बस्तर.15। बस्तर जिला के नगरनार थाना ह नाकाबंदी करत उड़ीसा ले जगदलपुर लेगत अवैध गांजा तस्कर ल धर दबोचे हाबे। पुलिस के मुताबिक स्वापक औषधि अउ मनःप्रभावी पदार्थ अधिनियम, 1985 के धारा 20(ब) के तहत विनेश कुमार जाटव, जिला बदायु उत्तर प्रदेश अउ शिवम कुमार जाटव, जिला बदायु उत्तर प्रदेश ल गिरफ्तार करे गे हाबे।
उत्तरप्रदेश के दूनो आरोपी मन ले नगरनार पुलिस मुखबीर के सूचना के आधार म नगरनार क्षेत्र के धनपुंजी मंडीनाका NH63 मेनरोड म एक ट्रक क्रमांक UP24T7349 ल रोके गिस। जेमा तीन बोरी म भराये 52 किलो गांजा जेला ट्रक म भरके जगदलपुर कोति ले जावत रिहिसे। पुलिस ल जांच म एक नग देशी कट्टा लोहा के अउ 04 नग जिन्दा कारतुस तको पाये हाबे। उत्तरप्रदेश के रइहया दूनो आरोपी मन ले मिले गांजा के कीमत 2,60,000/- रूपिया बताये गे हाबे। आरोपी मन ऊपर थाना नगरनार म एफआईआर क्र 0110/2020 म मामला पंजीबद्ध होए के आगू के कार्यवाही करे जावत हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।