माना कैंप पुलिस के हाथ लगिस करीब एक करोड़ तीस लाख रूपिया के गांजा

अंजोर
0

  • मुखबिर ले सूचना के आधार म डुमरतराई माना मोड़ म पकड़ाइस उडि़सा के 6 तस्कर
  • दुध मलाई पशु आहार के बोरी म लुकाए रिहिसे 1000 किलो अवैध गांजा


रायपुर.25। छत्तीसगढ़ म सरलग आन राज्य के गांजा तस्कर मनके धरपकड़ चलत हाबे। पाछु दिन महासमुंद म राजस्थान के तस्कर धराई अउ आज उडि़सा के 6 गांजा तस्कर माना कैंप पुलिस के हाथ लगे हाबे। एफआईआर के मुताबिक आरोपी विजय कवासी मलकानगिरी उडिसा, सोनधरसीरा कोरापुट उडिसा, सूरज दास मलकानगिरी उडिसा, नजीम खान कोरापुट उडिसा, सरोरा प्रसाद कोरापुट उडिसा अउ अब्दुल गफ्फार कोरापुट उडिसा मनले भारी मात्रा म गांजा मिले हाबे। 
थाना प्रभारी माना कैंप के टीम ह सीएसपी रायपुर के निर्देशन म नाकाबंदी करत जगदलपुर ले अभनपुर होवत आवत एक ट्रक अउ स्वीफ्ट डिजयार ल डुमरतराई माना मोड़ म पकडि़न। ट्रक ले करीब 1000 किलो गांजा बरामद होइसे। जेकर कीमत एक करोड तीस लाख पैसठ हजार बताये जाथे, ल जप्त करके विधिवत कार्यवाही करत आरोपी मनला धारा 91 जाफौ के नोटिश दे म कोनो प्रकार के दस्तावेज नइ देखा पाइन। 
आरोपी मन बताइन के ओमन ट्रक म अवैध माद द्रव्य गांजा ल बिक्री खातिर लेगत हाबे। ओमन ट्रक के आगू पाछू देखरेख खातिर कार म चलत रिहिन हाबे। ट्रक म पशु चारा के बोरी जेमा दुध मलाई पशु आहार लिखाये रिहिसे ओमा येमन गांजा भरके रायपुर लानत रिहिसे। उंकर उपर सीसीटीएनएस म अपराध पंजीबद्ध करत नोरकोटिक ड्रग्स एण्ड साइक्रोट्रोपिक सब्सटानसिस एक्ट, 1985 के 20(b) तहत कार्यवाही करे जावत हाबे।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !