मानवता के जबर मिसाल हैदराबाद लॉ कॉलेज के पूर्व छात्र, मजदूर चडि़स हवाई जहाज

रायपुर.5। बिपत के बेरा ह आज कतकोन अइसन संस्था अउ लोगन मन अपन जीव होम के तन मन धन ले गरीब मजदूर मनके मदद करत हाबे। उंकर करनी के इतिहास तको जय जयकार करही। न कोनो रिस्ता-नता तभो ले मानव धरम निभावत, मानवता के नता ले हैदराबाद लॉ कॉलेज के पूर्व छात्र मन कुछ संगठन के मदद ले लॉकडाउन के सेती 2 महीना ले बंगलूरू म फंसे गरीब मजदूर मन ल हवाई जहाज ले उड़ाके छत्तीसगढ़ के धरती म पठोइन। 

Journey never imagined:180 migrants stranded at BLR for more than 2months due lockdown landed today at @aairprairport🛬from a special flight 6E9405 at 1250 IST today.These pics speaks humanity is the best.@aaireder @AAI_Official @PIBRaipur @bhupeshbaghel @skumar_ias @bhaarukannaa pic.twitter.com/kfqzRqwOnI

— Raipur Airport (@aairprairport) June 5, 2020

सरकार तो हाना भरते रइगे के हवाई चप्पल नी पहिन सके तेनो मन हवाई जहाज चड़ही, फेर येहा अब स्वयं सेवी संगठन मनके मदद ले सिरतोन होगे। रायपुर एयरर्पोट ले मिले आरो के मुताबिक हवाई जहाज 6E9405-1250IST म आकाश मार्ग ले छत्तीसगढ़ के धरती म 180 मजदूर उतरीस। लहुंट के आए मजदूर मनके खुशी के ठिकाना नइ रिहिसे। ओमन घेरी-बेरी घर पठोइया मनला जोहार करत रिहिन। 

हैदराबाद लॉ कॉलेज के पूर्व छात्रों की मदद से बंगलूरू से श्रमिक परिवारों को लेकर दूसरा विमान रायपुर पहुंचा।

शासन की ओर से इन्हें गृह ज़िलों के क्वारेंटीन सेंटर तक पहुंचाने का इंतज़ाम किया गया।

हम हैदराबाद के साथियों और छत्तीसगढ़ के स्वैच्छिक संगठनों के साथियों के आभारी हैं। pic.twitter.com/PoEXgoGg0l

— Bhupesh Baghel (@bhupeshbaghel) June 5, 2020

ये मउका म प्रदेश के मुख्यमंत्री श्री भूपेश बघेल तको ट्वीट करके हैदराबाद अउ छत्तीसगढ़ के स्वैच्छिक संगठन के संगी मनके प्रति आभार व्यक्त करत जानकारी दे हाबे के आज दूसइया विमान तको हैदराबाद लॉ कॉलेज के पूर्व छात्र मनके मदद ले बंगलूरू ले श्रमिक परिवार ल लेके रायपुर उतरगे। छत्तीसगढ़ सरकार कोति ले ओमन ल अपन-अपन गृह जिला के क्वारेंटीन सेंटर तक पहुंचाए के इंतज़ाम करे गे हाबे।