नई दिल्ली.10। भारत के टेनिस स्टार सानिया मिर्जा ह बेटा इज़हान के पैदा होए के बाद कुछ बछर टेनिस ले दुरिहा रेहे के बाद, एसो खेल के दुनिया म वापसी करइया रिहिसे। फेर अब कोरोना वायरस के सेती टेनिस म ब्रेक लगगे। अइसन म सानिया अपन पुरा बखत घरे म बितावत हाबे। हाल ही म उंकर नवा फोटो सोशल मीडिया म इस जेमा ओमन अपन बेटा इज़हान ल गोदी म पाये हाबे। सानिया के इंस्टाग्राम ल देखे जाए तव ओमन ज्यादातर फोटो परिवार के साथ ही शेयर करे हाबे खास करके इज़हान के पैदा होए के बाद। सानिया ह लॉकडाउन के बेरा म घरे म रहिके कइसे अपन आप ल फिट राखे जाए येकरो वीडियो शेयर करे हाबे। 15 नवम्बर 1986 के भारत के मुंबई महाराष्ट्र म जन्मे बड़का टेनिस स्टार सानिया ह पाकिस्तानी क्रिकेटर शोएब मलिक ले 2010 म बिहाव के बाद उंकर ले एक बेटा हाबे इज़हान मिर्जा मलिक। फिलहाल सानिया अभी टेनिस खेल ले दुरिहा रेहे के उदासी ल भुलाके, बेटा के संग खुशी म दिन गुजारत हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।