आर्मी के जवान संग लूटपाट के आरोपी ल धरिस कोण्डागांव पुलिस

अंजोर
0
कोण्डागांव.28। कोण्डागांव पुलिस के हाथ लगिस आर्मी के जवान संग लूटपाट करइया आरोपी। जानबा होवय के कोण्डागांव के चिलपुटी देवडोबरा पारा निवासी आर्मी जवान रामेश्वर कोर्राम जेन ह देहरादुन म पदस्थ‍ हाबे। छुट्टी म घर आये रिहिसे अउ लॉकडाउन के सेती ड्यूटी म नइ जा सकिस, गांवे म रिहिसे। ओहा 13 जून के संझा अपन रिस्तेदार घर जावत रिहिसे तभे चिलपुटी देवडोबरा जंगल म दू झिन आदमी मन उंकर मोटरसाइकल ल लात मारके गिरा दिस अउ मोटरसाइकल के साथ मोबाइल ल तको धरके भगागे। आर्मी जवान पैदल घर जाके घरवाले मनला जानकारी दीस अउ बाद म कोण्डागांव थाना म रिपोर्ट लिखाइस। जेमा कार्यवाही करत कोण्डागांव कोति ले आरोपी मनला धरे के आरो मिले हाबे। थाना म 0178/2020 क्रमांक म दर्ज मामला म भादंसं 1860 के धारा 392 के तहत कार्यवाही करे जावत हाबे।


एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !