रायपुर.23। छत्तीसगढ़ म शिक्षा के क्षेत्र म नोनी मन फेर आगू आगे हाबे। आज कक्षा दसवीं परीक्षा के नतीजा म टॉप थ्री तक अपन कब्जा जमा के बता दिस के बेटी मन ककरो ले कम नइये। जारी परिणाम के मुताबिक पहला स्थान म अवइया नोनी शासकीय हा.से. स्कूल जरहागांव जिला मुंगेली के कु. प्रज्ञा कश्यप 600 म 600 नंबर पाए हाबे। नोनी मिसाल आए ओमन बर जेन किथे के सरकारी स्कूल म बड़े प्रतिभा नइ निकले, असल म जतका भी बड़का प्रतिभा निकले हाबे सबो सरकारी स्कूल के देन आए। प्रज्ञा के सफलता म उंकर माता-पिता अउ गुरूजन मनके हाथ हाबे, सबोच ह उनला आसीस देवत उज्जवल भविष्य के कामना करे हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।