मुख्यमंत्री वाई एस जगनमोहन रेड्डी लिस स्थिति के जायजा
आंध्रप्रदेश के विशाखापट्टनम म एक फार्मा कंपनी म गैस लीकेज के आरो मिलत हाबे। गैस अतका खतरनाक अउ जहरीला रिहिस हाबे के तीन किलोमीटर तक के लोगन मनला सांस ले म तकलीफ, मुड़ पीरा अउ उल्टी होवत हाबे।
बड़े फजर ले ही गैस के रिसाव के सेती लोगन जानबे नी पाइन के का होवथाबे अउ चारों मुड़ा ले चिरोबोरो, कलहरई ले शहर कांपगे। बताये जावथे के अब तक सैकड़ों आदमी अस्पताल म भरती हाबे। केऊ झिन के मउत तको होगे हाबे। जानकारी के मुताबिक स्थानीय प्रशासन ह तिर के गांव मनला खाली कराये हाबे। जेन मनल भी तकलीफ होवत हाबे ओमन ल अस्पताल ल म भरती करे जावत हाबे।
बिहनिया ले मिलत सोशल मीडिया के फोटो, वीडियो ल देख के करेजा कांप जथे। कोनो रेंगते-रेंगत बेहेश होवथे त कोनो ल सांस ले म परेशानी होवत हाबे। सीएमओ आंध्र प्रदेश के आधिकारिक ट्वीट ले मिले आरो के मुताबिक मुख्यमंत्री वाई एस जगनमोहन रेड्डी ह हादसा के बारीकी ने निगरानी करत जिला के अधिकारी मनला जीवन बचाये अउ स्थिति ल नियंत्रण म लाने खातिर हर संभव कदव उठाये के निर्देश दे हाबे। ओमन स्वयं स्थिति के जायजा ले खातिर पहुंचिन अउ किंग जॉर्ज सरकारी अस्पताल म विजाग गैस रिसाव के प्रभावित मरीज मन संग मुलाकात करत किहिन के हर जरूरी मदद प्रदान करे जाही। आंध्रप्रदेश.07
Hon'ble Chief Minister @ysjagan met with the casualties of #VizagGasLeak in King George Government hospital. He assured them that all necessary assistance will be extended to them & their families.— CMO Andhra Pradesh (@AndhraPradeshCM) May 7, 2020
