छत्तीसगढ़ के छत्तीस रत्न के होइस ऑनलाइन विमोचन

अंजोर
रायगढ़. काव्य संसद ऑनलाइन के तत्वाधान म छत्तीसगढ़ के 20 जिला के 36 चयनित साहित्यकार मनके रचना के साझा संकलन छत्तीसगढ़ के छत्तीस रत्न (ई-बुक) के विश्व प्रेस स्वतंत्रता दिवस के मउका म विमोचन करे गीस। रचनाकार डिग्री लाल जगत कोति ले मिले आरो मुताबिक ये ई-प्रलेख म छत्तीसगढ़ के तीज-तिहार, मया-दुलार ल रचनाकार मन उकेरे के प्रयास करे हाबे। छत्तीसगढ़ महतारी के गुणगान, हमर गँवई गाँव, पोरा बईला, अक्ति तिहार, कका बबा के गोठ गुहार, बेटी दुलोरिन, मोर बेटी मोर मयारू के संग छत्तीसगढ़ के गुरतुर बोली, स्कूल जाबो, नोनी लईका ला पढ़ाबो, बस्तर दर्शन, भक्त अउ भगवान, छत्तीसगढ़ के बढ़ाएंगे मान जइसन रचना ई-प्रलेख ल चार चांद लगाए म अहम भूमिका निभाये हाबे।
काव्य संग्रह म प्रमुख रूप ले पुखराज यादव प्राज, सुन्दर लाल डडसेना, माधवी गणवीर, मीरा आर्ची चौहान, रश्मि अग्निहोत्री, डिग्री लाल जगत, नलिनी बाजपेयी, डिजेन्द्र कुर्रे, अनिता देशमुख, शैलेन्द्र चेलक, दिनेश विश्वकर्मा, गिरिजा प्रसाद, महेन्द्र देवांगन, गोमती सिंह, पदमा साहू, सरस्वती चौहान, प्रिया गुप्ता, तारा पांडेय, परमानंद निषाद ,सीमा साहू, संतोष गुप्ता, मेघ प्रकाश शेरपा, नागेश कश्यप, अजय पटनायक, गुलाब सिंह, सुमिधा सिदार, गौतम साहू, फरुण यादव, संजय बहिदार, धनीराम नंद, आनंद कुमार त्रिवेदी, टिकेश्वर सिदार, विनोद कुमार, दूजराम साहू, अंजली तिवारी, मनोज कुमार पाटनवार आदि साहित्यकार मनके रचना शामिल हावय।

#buttons=(Accept !) #days=(20)

Our website uses cookies to enhance your experience. Check Now
Accept !