बिलासपुर.23। कोरोना काल म वीडियो कॉन्फ्रेंसिंग के भूमिका अब अऊ गजब महत्वपूर्ण होवत हाबे। वीडियो कॉन्फ्रेंसिंग के माध्यम ले अबतक विभागीय बइठक, लोकार्पण, जनसंपर्क अउ दिशा-निर्देश के बुता होवत रिहिसे। बिलासपुर पुलिस ह ये नवा तकनीक के उपयोग अब अरोपी मनके रिमाण्ड खातिर तको करत हाबे। बिलासपुर पुलिस के ट्वीट के मुताबिक वीडियो कॉन्फ्रेंसिंग के माध्यम ले आरोपी मनला बिगर न्यायालय म लेगे थाना सिविल लाईन ले ही माननीय न्यायालय के आगू वीडियो कॉन्फ्रेंसिंग ले पेश करके रिमाण्ड मांगे गिस। अइसन उदीम करइया बिलासपुर संभाग के पहिली थाना बनिस सिविल लाईन्स ह।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।