एजुकेशन वल्र्ड पत्रिका के सर्वेक्षण म साइंस कॉलेज दुर्ग ल मिलिस देश म 10वां स्थान

अंजोर
दुर्ग। शासकीय विश्वनाथ यादव तामस्कर स्नातकोत्तर स्वशासी महाविद्यालय, दुर्ग के उपलब्धि म एक अउ नवा अध्याय जुड़गे। एजुकेशन वल्र्ड नाव के पत्रिका कोति ले भारत के शासकीय स्वशासी महाविद्यालय मनके गुणवत्ता संबंधी जारी रैंकिंग म साइंस काॅलेज दुर्ग ल देश म 10वां स्थान मिले हावय।

महाविद्यालय ल ये स्थान महाविद्यालय के अकादमिक, सांस्कृतिक, अन्य पाठयेत्तर गतिविधी, रिसर्च, खेलकूद, आन गतिविधी म सहभागिता म करे गे सर्वेक्षण अउ मूल्यांकन के आधार म मिले हावय। जानबा होवय के ये सूची म शास. बिलासा कन्या महाविद्यालय बिलासपुर ल 12वां, शासकीय इंजीनियर राघवराव साइंस कालेज बिलासपुर ल 17वां अउ शासकीय नागार्जुन साइंस कालेज रायपुर ल 31वां स्थान मिले हाबे। महाविद्यालय के प्राचार्य डाॅ. आर. एन. सिंह के बताये मुताबिक रचनात्मक सर्वेक्षण ले प्राध्यापक अउ विद्यार्थी मन म नवा जोश अउ ताजगी आही। वर्तमान म महाविद्यालय म लगभग 6 हजार नियमित विद्यार्थी, लगभग 100 नियमित सहायक प्राध्यापक, 75 ले आगर नियमित, जनभागीदारी मद म कार्यरत कर्मचारी। 18 विषय म स्नातकोत्तर अध्ययन के सुविधा वाले महाविद्यालय म 16 स्नातकोत्तर विभाग मान्यता प्राप्त शोध केन्द्र हाबे। अंतर्राष्ट्रीय स्तर म महाविद्यालय के शोधकर्ता मनके शोध पत्र प्रकाशित होहे।

#buttons=(Accept !) #days=(20)

Our website uses cookies to enhance your experience. Check Now
Accept !