खबर थोरिक चिंताजनक हे फेर हम तइयार हन : मुख्यमंत्री
- कटघोरा कोरोना प्रभावित क्षेत्र पूरा सील
- 20 दिन म आने जाने वाले सबो क्वारंटाइन म
- कटघोरा बर बनही विशेष टीम
छत्तीसगढ़ म कोरोना के कल तक सिरिफ 10 केस आगू आए रिहिसे जेन म 9 बने तको होगे। आज सबले बड़े चौकाने वाला खबर आहे कटघोरा, कोरबा ले जिहा एक साथ 7 कोरोना पॉजिटिव केस आगू आए हाबे।
जानबा होवय के जेन 1 कोराना के मरीज इलाज करावत हाबे उहू ह कोरबा जिला के आए। अब 7 केस आगू आए ले प्रशासन ह हडकंप मचगे। छत्तीसगढ़ के मुख्यमंत्री श्री भूपेश बघेल जी ह खतरा ल देखत बड़े फैसला करत केहे हाबे के कटघोरा प्रभावित क्षेत्र के सबो आदमी के जॉच होही अउ पाछू 20 दिन म आने वाला हरेक आदमी ल क्वासरंटाइन करे जाही। स्वास्थ्य विभाग के प्रमुख सचिव अउ कलेक्टर ल निर्देश जारी करत यहू बात केहे हाबे के पूरा कटघोरा के प्रभावित क्षेत्र ल सीलबंद करे जाए। ये मउका म मुखिया जी किहिन के खबर थोरिक चिंताजनक जरूर हाबे फेर हमन अइसन बखत बर तको पूरा तइयार हाबन। ओमन ये क्षेत्र म काम करत सबो डॉक्टर, स्वास्थ्य कार्यकर्ता, सरकारी कर्मचारी के जॉच करे अउ कटघोरा खातिर विशेष रूम बनाके तत्काल युद्धस्तर म काम करे के निर्देश दे हावय।dpr_T/C
