अंजोर ए.। छत्तीरसगढ़ के मुखिया भूपेश बघेल जी ह अब राज के आम जनता ले हरेक बुधवार के मुलाकात करही। वइसे तो छत्तीसगढ़ म सरकार ह आम जनता सो मिलगे के परंपरा सुरूच ले बनाये हाबे। ऐकर पहिली के रमन सरकार ह जनदर्शन के माध्यम ले आम जनता ले गुरूवार के मिलय। अब छत्तीरसगढ़ के भूपेश सरकार ह हरेक बुधवार के भेंट मुलाकात के कार्यक्रम बनाये हावय। मिले जानकारी के मुताबिक ये कार्यक्रम के सुरूआत 3 जुलाई बिहनिया 11 बजे ले होही। मुख्यबमंत्री निवास कार्यालय म होवइया ये कार्यक्रम म जनता ह सीधा अपन मुखिया ले भेंट करके मांग अउ समस्या ले अवगत करही अउ ओकर निराकरन खातिर संबंधित विभाग ल तत्काल कार्यवाही करे खातिर निर्देशित करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।