Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

प्रधानमंत्री के रूर्बन मिसन म छत्तीसगढ़ ल मिलिस पहिली पुरस्कार





रायपुर। केन्द्र सरकार ह डॉ. श्यामाप्रसाद मुखर्जी रूर्बन मिसन म होय छत्तीसगढ़ के काम ल देखत पहिली पुरस्कार देके को घोसना करे हावय। ये मिसन के सुरूआत प्रधानमंत्री सिरी मोदी ह लगभग ढाई साल पहिली विकासखण्ड डोंगरगढ़ (जिला-राजनांदगांव) के नजदीक कुर्रूभांठ गांव ले करे रिहिसे। सन 2017 म तको छत्तीसगढ़ के बेहतरीन प्रदर्शन रिहिस अउ केन्द्र सरकार ह छत्तीसगढ़ ल सर्वश्रेष्ठ प्रदर्शन करने वाले राज्य के रूप म सम्मानित करे रिहिसे। सम्मान खातिर मुख्यमंत्री डॉ. रमन सिंह ह खुसी के बात काहत रूर्बन मिशन ले जुरे क्लस्टर के ग्राम पंचायत उहां ग्रामवासी, पंच-सरपंच ल बधाई देत हाबे। 
पंचायत अउ ग्रामीण विकास विभाग के अधिकारी मन के बताये अनुसार मिसन म प्रदेश के 16 जिल-राजनांदगांव, धमतरी, बस्तर, कबीरधाम, महासमुंद, जांजगीर- चांपा, कोरिया, कोरबा, कांकेर, सरगुजा, बिलासपुर, रायगढ़, कोण्डागांव, जशपुर, रायपुर, बलरामपुर-रामानुजगंज सामिल रिहिस। जेमा तीन चरन म 18 रूर्बन ग्राम पंचायत समूह (क्लस्टर) के बनाके 172 ग्राम पंचाय म चरणबद्ध ढंग ले विकासमूलक काम हावत हाबे। 

रूर्बन मिशन के प्रथम चरण म ग्राम मुरमुंदा (जिला-राजनांदगांव), लोहरसी (जिला-धमतरी), कुण्डा (जिला-कबीरधाम), मड़पाल (जिला-बस्तर), सोनहत (जिला-कोरिया), हरदीबाजार (जिला-कोरबा), बड़े कापसी (जिला-कांकेर) अउ रघुनाथपुर (जिला-सरगुजा)सामिल रिहिसे। 
दूसर चरण म ग्राम भंवरपुर (जिला-महासमुंद), ग्राम जेठा (जिला-जांजगीर-चांपा) सोनहत (जिला-कोरिया), हरदीबाजार (जिला-कोरबा), बड़े कापसी (जिला-कांकेर) अउ रघुनाथपुर (जिला-सरगुजा) सामिल रिहिसे। 

तिसरइया चरण म रामपुर (जिला-धमतरी), बिरकोना (जिला-कबीरधाम), जयरामपुर (जिला-बिलासपुर), मिरीगुड़ा(जिला-रायगढ़), बड़े कनेरा (जिला-कोण्डागांव), पालीडीह (जिला-जशपुर), मंदिरहसौद (जिला-रायपुर) अउ बसंतपुर (जिला-बलरामपुर-रामानुजगंज) सामिल रिहिस।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285