पोटिया प्राइमरी अउ मिडिल स्कूल के शिक्षा मंत्री गजेन्द्र यादव करिस निरीक्षण

स्कूल शिक्षा, ग्रामोद्योग अउ विधि-विधायी मंत्री गजेन्द्र यादव ह दुर्ग नगर निगम के वार्ड क्रमांक 54 म स्थित पोटिया के प्राथमिक अउ मिडिल स्कूल म पहुँचे रिहिन। उहाँ स्कूल परिसर के बारीकी ले निरीक्षण करके शिक्षण व्यवस्था के जायजा लिन। मंत्री ह लइका मन संग बात-चीत करके वोमन के पढ़ई-लिखई, जरूरत अउ दिक्कत के बारे म जानकारी लिस।

स्कूल परिसर के निरीक्षण, शिक्षक मनला दिस निर्देश-

निरीक्षण के बखत मंत्री यादव ह स्कूल के शिक्षक मन संग चर्चा करिन अउ लइका मनके पढ़ई ला सर्वाेच्च प्राथमिकता देय बर जोर देइन। उहाँ कहिन के हर बच्चा के नियमित उपस्थिति, कोर्स के प्रगति अउ पढ़ई के गुणवत्ता म खास ध्यान देय जाए। मंत्री जी साफ-साफ कहिन- “विद्यार्थी मन के शिक्षा के नींव, ओही मन के उज्ज्वल भविस के नींव आय।”

उहाँ स्कूल म मिलइया संसाधन, खेलकूद के साधन, स्वच्छता, पढ़ई सामग्री अउ आधारभूत ढांचा के भी समीक्षा करिन। बच्चा मन जे जरूरी बात कहिन, ओमन ला पूरा करे बर उहाँ संबंधित अधिकारी ला तुरंते निर्देश देइन।

गुणवत्तापूर्ण शिक्षा बर सरकार प्रतिबद्ध

मंत्री गजेन्द्र यादव कहिन के प्रदेश सरकार शासकीय स्कूल मन म गुणवत्तापूर्ण शिक्षा सुनिश्चित करे बर लगातार बड़े अउ प्रभावी कदम उठावत हे। उहाँ शिक्षक मनला निर्देश देइन कि पढ़ई संग-संग खेलकूद, सांस्कृतिक कार्यक्रम अउ दूसर सहगामी गतिविधि म भी पूरा ध्यान देय जाए, ताकि बच्चा के सर्वांगीण विकास हो सके।

बच्चा मन शिक्षा मंत्री के आगू रखिन अपन मांग

निरीक्षण के दौरान बच्चे मन मंत्री जी संग खुलके बात-चीत करिन। ओमन स्कूल म खेलकूद सामग्री के कमी, बाउंड्रीवाल ला ऊँचा करे, अउ शौचालय के सुधार संबंधी मांग रखिन। मंत्री यादव तुरंते संबंधित अधिकारी ले बात करके ये सब काम जल्दी पूरा करे बर कहिन।

उहाँ बच्चा मन के मनपसंद विषय, पढ़ई म आवत दिक्कत के बारे म पूछिन अउ ओमन ला रोज स्कूल आवय, अनुशासन बनाए रखय अउ मन लगा के पढ़ई करे बर प्रेरित करिन।

स्थानीय जनप्रतिनिधि अउ नागरिक मन के रहिन सहभागिता

ये मौका म महापौर श्रीमती अलका बाघमार, पार्षद श्रीमती हिरोँदी चंदानियाँ, श्रीमती सविता साहू, साजन जोसफ, मंडल अध्यक्ष कौशल साहू, आसिफ अली, भूपेंद्र साहू, नीलेश बंजारे, जीतेन्द्र साहू, देवेंद्र टंडन, उमेश गायकवाड़ समेत भारी संख्या म क्षेत्र के नागरिक मौजूद रहिन।