छत्तीसगढ़ी सिनेमा म अइसन कलाकार मनके तको आना होवत हावय, जेमन कभु महज अपन शौक पूरा करे खातिर सोशल मीडिया म रील्स वीडियो अउ फोटो अपलोड करत रिहिस। अचानक कोई अइसे वीडियो आथे जेन ओमन ल लोकप्रियता के बुलंदी म खड़ा कर देथे- इही म एक नाम हावय लता साहू। लता साहू इंस्टाग्राम म गजब लोकप्रिय हावय ओमन के अब तक 2.2 लाख फ़ॉलोअर हावय। यूट्यूब म ओमन के 60 हजार सब्सक्राइबर अउ फेसबूक म 14 हजार फ़ॉलोअर हाबे।
लता साहू के लोकप्रियता के सेती ही ओमन ल वीडियो एल्बम म काम मिलिस। ओमन के बस्तरहिन बाला, चंदा चंदैनी, गोदना गोदा ले, आना लगादॅंव कजरिया, पिरित के बंधना, ऐ सगा बस्तरिहा, नैना के जादू, मोर फलानिन, बईहा बनाई डारे, तोर नाव के सजना, बेनी म गांथ ले आदि हिट साबित होइस। सोशल मीडिया ले मिले आरो के मुताबिक अब ओमन सुंदरानी फिल्म के अवइया प्रोजेक्ट म नजर आही। अब वो दिन दूर नइये जब बड़े पर्दा म तको सोशल मीडिया के लता साहू ह नाम अउ सोहरत कमाही।
लता साहू ओ सबो महिला मन खातिर प्ररेणा आए जेन मन अपन बचपन के शौक ल पूरा करे बर संघर्ष करे बर नइ छोड़य, बल्कि सिमित संसाधन अउ छोटे जगह ले तको बड़े काम करथे। लता साहू शादी के बाद गरियाबंद के फिगेश्वर ले इंस्टाग्राम म वीडियो बनाके अपन शौक पूरा करत रिहिसे। जिहां ले ओमन वीडियो एल्बम के सफर शुरू करिस। लता साहू ल लोगन के अतका मया दुलार अउ आसिरवाद मिलिस के सबो वीडियो एल्बम सुपरहिट होइस।
लता साहू के बारे म सबले गरब करे के बात ये आए के ओमन शादी के बाद अपन सपना पूरा करत हाबे। लता कइथे के बचपन ले ही अभिनय, नृत्य के शौक रिहिस। अपन शौक पूरा ल करे बर सोशल मीडिया म आए हवँ, अउ अपन सपना पूरा करे के मौका मिलत हे त जरूर आगू कदम बड़ाबो। शादी के बाद उंकर पति के पूरा-पूरा सपोर्ट रइथे ये बड़े बात आए। जबकि देखे जाथे के एक महिला कलाकार शादी के बाद अपन सिनेमा कैरियर ल छोड़ देथे।
लता साहू संयुक्त परिवार ले आए हाबे, ये सेती एक लड़की होके घर चार दिवारी म बंधे के बजाए अपन सपना पूरा करे के रस्ता म एक कदम बड़ाइस, लता साहू कामयाब तको होइस। लता के ये कामयाबी प्रेरणा आए ओ तमाम लड़की या महिला मन खातिर जेन शादी के बाद अपन सपना न अधूरा छोड़ देथे। हां, इहां परिवार के सपोर्ट अउ मार्गदर्शन तको जरूरी हावय। लता साहू ये मामला म भागमानी हावय काबर के ओकर पति के पूरा सहयोग रहिथे।
बहरहाल लता साहू ल सरलग अइसने कामयाबी अउ सफलता मिलते राहय, हमरो कोति ले बहुत-बहुत बधाई अउ हार्दिक शुभकामना।
लता साहू के हाल ही म बस्तरहिन बाला खूब चलत हावय, जेमा मनीष अउ ओकर भांची के शानदार भूमिका हावय। ये गीत ल गाये हावय हिरेश सिन्हा, जेन छत्तीसगढ़ म कोनो परिचय के मोहताज नइये। अवइया बेरा म जीत्तू दुलरवा के संग गोदना गोदा ले वीडियो एल्बम अवइया हाबे।
lata sahu biography लता साहू जीवनी / बायोग्राफी
- पूरा नाम – श्रीमती लता साहू
- जन्म स्थान – ग्राम बाना, रायपुर छत्तीसगढ़
- वर्तमान पता- फिगेश्वर गरियाबंद
- शिक्षा- स्नातक, दुर्गा कॉलेज रायपुर
- वैवाहिक स्थिति – विवाहित
- पति का नाम – मुकेश कुमार साहू
- लता साहू का परिवार – दो बहन एक भाई
- लोकप्रिय वीडियो एल्बम- बस्तरहिन बाला, चंदा चंदैनी, गोदना गोदा ले, आना लगादॅंव कजरिया, पिरित के बंधना, ऐ सगा बस्तरिहा, नैना के जादू, मोर फलानिन, बईहा बनाई डारे, तोर नाव के सजना, बेनी म गांथ ले आदि।
लता साहू सोशल मीडिया आईडी
- फेसबूक आईडी - https://www.facebook.com/profile.php?id=61555814986424
- यूट्यूब चैनल - https://www.youtube.com/@Latasahu_official_vlogs
- इंस्टाग्राम- https://www.instagram.com/latasahu_official
लता साहू के लोकप्रिय वीडियो एल्बम -
स्त्रोत- आधिकारिक सोशल मीडिया प्लेटफॉर्म
छत्तीसगढ़ी अनुवादक- जयंत साहू
संपादक
अंजोर: छत्तीसगढ़ी समाचार
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।