छत्तीसगढ़ शासन हर साल महिला सशक्तिकरण अउ समाज सेवा के क्षेत्र म उल्लेखनीय काम करे वाली महिला ला देथे "मिनीमाता सम्मान", जऊन आज छत्तीसगढ़ के सबसे प्रतिष्ठित महिला अलंकरण म एक बन गे हे। ए सम्मान ना सिरिफ नारी गरिमा के प्रतीक हे, बल्कि सामाजिक बदलाव के सशक्त संदेश घलो हे।
🧕 कोन रिहिस मिनीमाता?
मिनीमाता के जनम 1913 म असम के जमुनामुख गांव म होए रिहिस। असल नाम मीनाक्षी रहिस। असम म पढ़ई करे के बाद म सतनामी समाज के गुरु अगमदास संग विवाह रचाइन। वो ह अपन पूरा जिनगी समाज सेवा, महिला जागरूकता, अउ दलित उत्थान बर समर्पित कर दीस।
1952 ले 1972 तक वो ह लोकसभा सदस्य रिहिस, जिहां ले सरंगढ़, जांजगीर अउ महासमुंद क्षेत्र के प्रतिनिधित्व करिन। बाल-विवाह, दहेज प्रथा के खिलाफ जोरदार आवाज उठाइन। हसदेव बांध, भिलाई इस्पात संयंत्र, अउ रोजगार प्रशिक्षण जइसन बड़ योजना म उनकर योगदान आज घलो याद करे जाथे।
11 अगस्त 1972 म विमान दुर्घटना म उहाँ के निधन होईस।
🏆 मिनीमाता सम्मान का हे?
मिनीमाता के स्मृति म छत्तीसगढ़ शासन डहर ले "मिनीमाता सम्मान" शुरू करे गे हे। ए सम्मान महिला जागरूकता, शिक्षा, स्वास्थ्य, स्वावलंबन अउ सामाजिक कार्य के क्षेत्र म उत्कृष्ट योगदान देय महिला या संस्था ला हर साल देय जाथे।
📝 अब तक के कुछ प्रमुख सम्मानित महिला मन:
- 2024 - सुश्री छोटी मेहरा - पण्डरिया, कबीरधाम
- 2024 - सतनामी महिला जागृति समिति - कोहका, दुर्ग
- 2022 - डॉ. मीरा शुक्ला - अम्बिकापुर
- 2021 - डॉ. कल्पना देशमुख - दुर्ग
- 2020 - श्रीमती शहाना कुरैशी - दुर्ग
- 2015 - कुमारी उर्मिला सोनवानी - गरियाबंद
- 2001 - श्रीमती बिन्नी बाई सोनकर - रायपुर
📌 मिनीमाता सम्मान बर आवेदन कइसे करबो?
आवेदन के आखिरी तारीख हर साल संस्कृति विभाग द्वारा घोषित करे जाथे। आवेदन के साथ ये सब जरूरी हे:
✅ जरूरी कागजात:
📅 आवेदन के आखिरी तारीख:
15 सितंबर 2025 तक आवेदन विभाग म पहुंच जाना चाही।
📌 कहाँ आवेदन भेजना हे?
पता:-
संचालक, संस्कृति एवं राजभाषा विभाग,
द्वितीय तल, व्यवसायिक परिसर, सेक्टर-27,
नवा रायपुर अटल नगर, छत्तीसगढ़ – 492002
📝 आवेदन कइसे करबो? (स्टेप-दर-स्टेप जानकारी)
▶️ Step 1: फॉर्म डाउनलोड करव-
- विभाग के वेबसाइट म जावव:-
- 🔗 www.cgculture.in
- आवेदन का प्रारूप - download
- पीडीएफ फार्म download-
▶️ Step 2: जरूरी कागज-पत्तर जोड़व
- अपन नाव, पता अउ मोबाइल नंबर
- जनम तारीख/ उमर
- प्रस्तावक (अगर हो) के जानकारी
- अपन उपलब्धि के संक्षिप्त जानकारी
- जेन पुरस्कार पाय हौ ( अंतरराष्ट्रीय)
- जेन पुरस्कार पाय हौ (राष्ट्रीय)
- जेन पुरस्कार पाय हौ (राज्य )
- जेन पुरस्कार पाय हौ (जिला )
- सरकारी सेवा म होव त विभाग से अनुमति
✍ लेखक सुझाव:
ए खबर ला अपन वेबसाइट, फेसबुक पेज, या व्हाट्सएप ग्रुप म जरूर शेयर करव, ताकि ज्यादा ले ज्यादा योग्य महिला मन आवेदन कर सकंय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।