प्रधानमंत्री नरेंद्र मोदी द्वारा सुरू करे गे प्रधानमंत्री सूर्यघर योजना अब छत्तीसगढ़ के ग्रामीण इलाका म घलो उजास बिखेरत दिखत हे। कोरिया जिला के ग्राम तलवापारा के मंजुषा राजवाड़े के घर म अब सोलर पावर के उजाला बगरत हे, जिहां पहिली हर महीना भारी बिजली बिल आवे, अब ओमा भारी कमी आ गे हे।
गांव के रहवइया ओमप्रकाश राजवाड़े के घरवाली श्रीमती मंजुषा राजवाड़े बताइन के ओमन अपन घर म 3 किलोवाट के सौर ऊर्जा सिस्टम लगवाइन, जऊन ले बिजली बिल 1600-1700 रुपया ले घट के 400-500 रुपया हो गे हे। अइसे घर के रोजमर्रा के खर्च म भारी राहत मिलिस हे।
श्रीमती मंजुषा कहिन– "मैं समाचार पत्र म प्रधानमंत्री सूर्यघर योजना के बारे म पढ़े रहेंव, फेर जानकारी खातिर मैं बिजली ऑफिस गे रहेंव अउ आवेदन करेंव। बैंक ले लोन मिलिस अउ सरकार ले 78,000 रुपया के सब्सिडी घलो मिलिस। ए सहायता के बदौलत हमन सोलर यूनिट लगवा सकेन।"
ओमन प्रधानमंत्री नरेंद्र मोदी अउ छत्तीसगढ़ के मुख्यमंत्री श्री विष्णु देव साय के प्रति आभार जताइन अउ कहिन– "सरकार हम गरीब मन ला घलो उजाला देखाय हवे। ए योजना हमन ला आर्थिक रूप ले मजबूत करे हवय अउ पर्यावरण के सुरक्षा म घलो मददगार हे।"
प्रधानमंत्री सूर्यघर योजना के मकसद आय–
- देश के हर नागरिक ला सौर ऊर्जा के लाभ पहुंचावय
- बिजली बचाव अउ बिजली बिल म राहत देवाय
- हर घर ला ऊर्जा आत्मनिर्भर बनाय
- हरित ऊर्जा (ग्रीन एनर्जी) के ओर बढ़ाय
कोरिया जिला म योजना के सफलता देख के अब दूसर गांव के मनखे मन घलो प्रेरित होवत हें अउ आवेदन करवत हें। योजना के कारण गरीब परिवार घलो अपन घर म सस्तीा, स्वच्छ अउ भरोसेमंद बिजली पावत हें।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।