छत्तीसगढ़ अब उन्नत तकनीकी निर्माण के क्षेत्र म देश भर म अपन मजबूत पहचान बनाय बर एक अउ ठन बड़े कदम बढ़ाये हे। अब राजधानी रायपुर म बनहीं देश के सबसे अत्याधुनिक ट्रांसफॉर्मर। एखर बर जानी-मानी कंपनी करमवीर इलेक्ट्रॉनिक्स लिमिटेड 300 करोड़ रुपिया ले जियादा के निवेश करईया हे।
नई दिल्ली के छत्तीसगढ़ सदन म मुख्यमंत्री विष्णुदेव साय ले भेंट करत कंपनी के प्रबंध निदेशक श्री विवेक जैन ये योजना के जानकारी दिस। ओमन बताइन के ये यूनिट तकनीक के हिसाब ले देश के सबसे अगुवा ट्रांसफॉर्मर निर्माण केंद्र होही, जऊन भारत के ऊर्जा जरूरत ला पूरा करे म मील के पत्थर साबित होही।
मुख्यमंत्री विष्णुदेव साय कहिन – "हमर सपना आय के छत्तीसगढ़ ‘विकसित भारत 2047’ म एक मजबूत आधार बने। ए निवेश न सिरिफ एक कारखाना आय, बल्कि छत्तीसगढ़ के आत्मनिर्भरता अऊ तकनीकी ताकत के सबूत आय। सरकार ए परियोजना ला हरसंभव मदद करही।"
बैठक के दौरान मुख्यमंत्री के प्रमुख सचिव सुबोध सिंह अऊ छत्तीसगढ़ के इनवेस्टमेंट कमिश्नर श्रीमती ऋतु सेन घलो मौजूद रहिन।
का होही फाइदा?
- ⚙️ रायपुर म बनही अत्याधुनिक ट्रांसफॉर्मर निर्माण इकाई
- 💼 छत्तीसगढ़ के युवामन बर खुलही रोजगार के नवा द्वार
- 🔋 ऊर्जा क्षेत्र म आत्मनिर्भरता के मजबूत शुरुआत
- 🏭 "मेक इन छत्तीसगढ़" अभियान ला मिलही नवा गती
अब छत्तीसगढ़ सिरिफ खनिज अउ खेती म न, बल्कि उद्योग अऊ तकनीक म घलो देश के सिरमौर बने के राह म आगू बढ़त हे।
📲 #RaipurTransformerFactory #MakeInChhattisgarh #ViksitBharat2047 #ChhattisgarhiNews #KaramveerElectronics
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।