अंजोर.रायपुर। छत्तीसगढ़ माध्यमिक शिक्षा मंडल डहर ले आयोजित हाई स्कूल अउ हायर सेकेण्डरी मुख्य अउ मउका परीक्षा साल 2024 के परीक्षा फार्म भरे के तिथि घोसित कर दे हावय। सामान्य शुल्क के संग परीक्षा देवइया 31 अक्टूबर तक फार्म भर सकत हावयं।
माध्यमिक शिक्षा मंडल ले मिले जानकारी के मुताबिक सामान्य शुल्क के संग फार्म भरे के तिथि 10 अक्टूबर ले सुरू हो गे हावय। मंडल के सचिव प्रोफेसर व्ही. के. गोयल ह बताइन के परीक्षा देवइया देरी शुल्क के संग 01 नवम्बर ले 15 नवम्बर तक अउ बिसेस देरी शुल्क के संग 16 नवम्बर ले 31 नवम्बर तक परीक्षा फार्म भर सकत हावयं। ओमन बताइन के स्वाध्यायी मुख्य अउ मउका परीक्षा ले संबंधित परीक्षा देवइया सरकारी अउ अशासकीय अग्रेषण संस्था मन के माध्यम ले ऑनलाईन परीक्षा फार्म भर सकत हावयं। ए संबंध म विस्ता्र ले जानकारी मंडल के वेबसाईट www.cgbse.nic.in म उपलब्ध हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।