प्रोजेक्ट वीरगाथा 3.0 : छत्तीसगढ़ के स्कूल म आजादी के दिवाना अउ वीर जवान मनके गाथा म होही कार्यक्रम

अंजोर.रायपुर। आजादी के 75 वें साल गांठ के मउका म मनाए जात अमृत महोत्सव के ले छत्तीसगढ़ के सबो स्कूल म देश के आजादी के दिवाना अउ सेना के वीरता पुरस्कार मिले जवान मन के गाथा म आधारित कार्यक्रम के आयोजन करे जाही। वीरगाथा प्रोजेक्ट 3.0 के तहत करे  जाये वाला ये आयोजन म सरकारी अउ अशासकीय स्कूल के कक्षा 3 ले 12 वीं तक के स्कूली बच्चा आने-आने कार्यक्रम के प्रस्तुति दिही।

प्रोजेक्ट वीरगाथा 3.0 म वीरता पुरस्कार मिले जवान मन के जिनगी ले मिले सीख, वीरता पुरस्कार मिले जवान मन के देश के खातिर सर्वोच्च बलिदान, मोर सपना म रानी लक्ष्मीबाई, पहिली स्वतंत्रता संग्राम आंदोलन, आजादी के आंदोलन म आदिवासी मन के योगदान उक विषय रखें गे हावय। पढ़ईयाये विषय म आधारित कविता, कहानी, पेटिंग, मल्टीमीडिया प्रस्तुति दिही। 

शिक्षा विभाग के  अधिकारी मन बताइन के सबो स्कूल के प्रस्तुति के पहिली स्कूल के Mygov पोर्टल म प्रविष्टियां ऑनलाईन जमा होना सुरू हो चुके हावय। प्रविष्टि के मामला म छत्तीसगढ़ अभी देश म चौथा ठऊर  म हावय। छत्तीसगढ़ ले 7979 प्रविष्टि करे जा चुके हावयं, एमे सरकारी स्कूल ले 7638, निजी स्कूल ले 85 अउ सीबीएसई पाठयक्रम वाला स्कूल ले 256 प्रविष्टियां के जा चुके हावयं। सबो जिला शिक्षा  अधिकारी मनऔर जिला मिशन समन्वयक ल निर्देशित करे हावय के सबो स्कूल म कार्यक्रम आयोजित करे  जाए अउ 15 सितम्बर के भीतर के समय सीमा म पोर्टल म एंट्री हो जाएं। पढ़इया लइका के तनि ले स्कूल प्रविष्टि जमा करही फेर ये प्रविष्टि के मूल्यांकन जिला, राज्य अउ राष्ट्रीय स्तर म करे जाही। विजेता मन के चयन करके ओला पुरस्कृत करे जाही। 

राष्ट्रीय स्तर म सुपर 100 विजेता चयनित होही। ये चार श्रेणी (कक्षा 3-5, 6-8, 9-10,11-12) म ले 25 विजेता घोसित होही। सबोच विजेता के 10 हजार रूपिया के पुरस्कार रकम एक पदक अउ रक्षा मंत्रालय डहर ले परमान पाती दे जाही। भारत सरकार रक्षा मंत्रालय अउ शिक्षा मंत्रालय समिलहा रूप ले ये विजेता मन के पुरस्कृत करही। राज्य, संघ राज्य क्षेत्र स्तर के 8 विजेता (प्रत्येक श्रेणी ले 2 विजेता) होही। सुपर 100 विजेता एमे सामिल नइ होही। संबंधित राज्य या केन्द्र शासित प्रदेस के विजेता उहां के प्रधान सचिव या सचिव शिक्षा डहर ले सम्मानित होही। जिला स्तर म 4 विजेता (प्रत्येक श्रेणी ले 1 विजेता) होही। सुपर 100 अउ राज्य अउ केन्द्र शासित प्रदेस के विजेता एमे सामिल नइ होही। जिला आयुक्त, जिला मजिस्ट्रेट, जिला उपायुक्त अउ जिला शिक्षा  अधिकारी मनद्वारा पढ़इया लइका के समिलहा रूप ले सम्मानित करे जाही।