अंजोर.बलौदाबाजार। तेंदूपत्ता संग्रहण साल 2023 जिला वनोपज सहकारी संघ मर्यादित बलौदाबाजार ले कुल 24 प्राथमिक वनोपज सहकारी समिति कार्यरत हावय। तेंदूपत्ता संग्रहण साल 2023 म छत्तीसगढ़ शासन डहर ले तेंदूपत्ता संग्रहण पारिश्रमिक दर 4 हजार रूपिया प्रति मानक बोरा करार करे गे हावय। साल 2023 म जिला यूनियन बलौदाबाजार के 23 हजार 800 मानक बोरा लक्ष्य आबंटित करे गे हावय। छत्तीसगढ़ राज्य लघु वनोपज सहकारी संघ मर्यादित रायपुर डहर ले अग्रिम म बेचे 14 लाट के संग्रहण लक्ष्य 22 हजार 100 मानक बोरा हावय। जेमा कुल 199 तेंदूपत्ता फड़ सामिल हावयं, विभागीय रूप ले संग्रहित होए वाला 02 लाट के संग्रहण लक्ष्य 1 हजार 700 मानक बोरा हावय। जेमा कुल 37 फड़ सामिल हावयं। तेंदूपत्ता संग्रहण बुता के संपादन बर तेंदूपत्ता फड़मुंशियों,फड़ अभिरक्षक के नियुक्ति करे गे हावय। जिला वनोपज सहकारी संघ मर्यादित बलौदाबाजार ले तेंदूपत्ता संग्रहण बुता 7 मई ले सुरू करिन हावय। साल 2023 तेदूपत्ता संग्रहण लक्ष्य के पूर्ति बर जोनल अधिकारी अउ पोषक अधिकारी मनकी नियुक्ति करे गे हावय। जेकर ले उच्च गुणवत्ता वाला तेंदूपत्ता के संग्रहण करे जा सके।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।