अंजोर.राजनांदगांव। पोषण पखवाड़ा कार्यक्रम के आयोजन आईसीडीएस राजनांदगांव म करे गिस। ए मउका म जिला कार्यक्रम अधिकारी महिला अउ बाल विकास श्रीमती गुरप्रीत कौर, आयुष विभाग ले डॉ. प्रज्ञा सक्सेना अउ परियोजना अधिकारी सुश्री रीना ठाकुर ह कुपोषण अउ एनीमिया के दूरिहा करे, जन-जागरूकता लाने अउ उचित खान-पान के संबंध म जानकारी दीस। दिग्विजय कॉलेज के पढ़इया लइका डहर ले तको जानकारी पोषण के बारे म दीस अउ पोषण संबंधी नारा लगास।
कार्यक्रम म मिलेट्स अउ सलाद के रंगोली बनाये गे रिहिस। प्रोजेक्टर के माध्यम ले पोषण अउ स्वास्थ्य संबंधी वीडियो तको दिखाइस। किशोरी नोनी मन अउ महिला मन के खातिर पोषण विषय म रंगोली अउ सलाद सजाओ प्रतियोगिता के आयोजन करे गिस अउ भाग लेवइया मन के सम्मानित पहुना मन डहर ले पुरस्कृत तको करे गिस। सांस्कृतिक कार्यक्रम के तको आयोजन करे गिस।
संग ही विभागीय योजना मन अउ आंगनबाड़ी केन्द्र म सहयोग करे वाला समाज सेवी के सम्मान तको करे गिस। कार्यक्रम म पर्यवेक्षक श्रीमती सुनिता सोनपीपरे, श्रीमती हुलास सिन्हा अउ सुश्री दिव्या तिवारी, आंगनबाड़ी कार्यकर्ता, मितानिन अउ गणमान्य नागरिक उपस्थित रिहिन। कार्यक्रम के संचालन पर्यवेक्षक श्रीमती आशा मेश्राम डहर ले करे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।