अंजोर.सिनेमा। श्री शबरी फिल्म अउ सतीश जैन प्रोडक्शन के बैनर तले बने छत्तीसगढ़ी फिल्म ‘ले सुरू होगे मया के कहानी’ के ट्रेलर लांच होगे हाबे। फिल्म के ट्रेलर रिव्यू करे के पहिली आव जानथन प्रोडक्शन टीम के बारे म- निर्माता हावय छोटेलाल साहू, निर्देशन करे हाबे सतीश जैन।
सतीश जैन के बारे म जादा कुछू अऊ कहे के जरूरत नइये, लेकिन छोटेलाल साहू अउ सतीश जैन के जोड़ी ‘हंस झन पगली फस जबे’ म धमाल करे के बाद अब ‘ले सुरू होगे मया के कहानी’ म का कमाल करही ये देखेना हाबे।
फिल्म ‘ले सुरू होगे मया के कहानी’ के ट्रेलर देखव का कुछ हावय।
- निर्माता - छोटेलाल साहू
- निर्देशक - सतीश जैन
- प्रमुख कलाकार- अमलेश नागेश, एल्सा घोष, सुरेश गोन्डाले, शीतल शर्मा, उपासना वैषणव, संगीता निषाद, अंजली चौहान, पप्पू चंद्राकर, मनोज जोशी, अनिल सिन्हा, घनश्याम मिरझा, डॉ. अजय सहाय, जयराम भगवानी, विशाल साहू
- गायक- सुनील सोनी, अनुपमा मिश्रा
- गीतकार- सतीश जैन
- संगीत- सुनील सोनी
कहानी- ‘ले सुरू होगे मया के कहानी’ ह अपन टाइटल म ही पूरा स्टोरी काहत हाबे। जइसे के हर फिल्म म कहे जाथे के येकर कहानी कुछ हटगे हावय। तो कहानी कुछ हट के नइ होवे बस काम कराये के तरीका अउ प्रस्तुत करे के अंदाज कुछ अलग होथे।
फिल्म म नायक अउ नायिका के बीच के मया ल स्कूल लाइफ ले देखाये गे हावय। दूनो झन एकेच स्कूल म पढ़ई करय। हर फिलिम सहिक यहू म मया बर झगरा अउ मया मिले के बाद परिवार म झगरा ले निर्देशक ह लोगन के मनोरंजन करत रिथे।
मनभावन गीत संगीत अउ रसदार संवाद संग कलाकार मनके अभिनय मन ल मोहे के सरी उदीम करथे। दूनो परानी के मया ले परिवार के बीच कलह म जीनगी ह कइसे करू होथे... ‘ले सुरू होगे मया के कहानी’ म बखूबी देखाये के कोशिश करे हाबे।
फिल्म म खास- फिल्म पहली बार सोशल मीडिया म हास्यक के जबरदस्त जलवा बिखेरने वाला यूट्यूबर अमलेश नागेश बतौर नायक आवत हाबे। संग म हाबे एल्सा घोष जेन अभी सरलग छॉलीवुड म अच्छा काम करत हाबे।
गीत संगीत-‘ले सुरू होगे मया के कहानी’ के सबो गीत सोशल मीडिया म बने पसंद करे जावथे। जेमा सबले जादा जाना जाना हे तोर दिल के तिरे तिर खूब लोकप्रिय होवत हाबे। सतीश जैन के लिखे गीत ल गाये हाबे सुनील सोनी अउ अनुपमा मिश्रा।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।