20 कोंटल धान खरीदी के घोसना म किसान मन 20-20 के नोट ले बने माला ले करिस मुख्यमंत्री दाऊ भूपेश बघेल के सुवागत

अंजोर.दुर्ग। मुख्यमंत्री भूपेश बघेल ह दुर्ग जिला म लोगन ले भेट-मुलाकात करे खातिर गे हावय। ओमन उंहा केऊ ठी कार्यक्रम म सामिल होही अउ आम जनता ले तको गोठबात करही। मिले आरो के मुताबिक जब दाऊ जी दुर्ग के गांव निकुम पहुंचिस त उंहा के किसान मन अलग अंदाज म प्रदेस के मुखिया के जोहार करिन।

समर्थन मूल्य म प्रति एकड़ 20 कोंटल धान खरीदी के घोसना ले उत्साहित किसान मन ग्राम-निकुम के हेलीपैड म मुख्यवमंत्री भूपेश बघेल के उतरते ही उनला 20-20 रूपिया के नोट ले बनाये माला पहिना के उंकर सुवागत करिन। मुखिया कोति ले करे गे 20 कोंटल धान खरीदी के घोसना के असर अब किसान मन म दिखत हाबे। ओमन अब खेत म जीव होम बुता करत हाबे अउ प्रदेस सरकार बुता के गजब गुनगान करत हाबे।