अंजोर.रायपुर। स्वास्थ्य विभाग डहर ले तीन साल ले जादा समय ले अनुपस्थित 11 चिकित्सा अधिकारी मनके सेवा खतम करे के कार्रवाई करे गे हावय। उहें दू चिकित्सा अधिकारी मनला 15 दिन के भीतर स्पष्टीकरण दे के आखिरी मउका दे गे हावय।
संचालक, स्वास्थ्य सेवा डहर ले अनाधिकृत रूप ले अनुपस्थित कुल 24 चिकित्सा अधिकारी मनके विरुद्ध विभागीय जांच संस्थित करे जाये के प्रस्ताव म अनाधिकृत रूप ले अनुपस्थित पांच चिकित्सा अधिकारी मनकी अनुपस्थिति बखत ल अकार्य दिन (डायजनान) घोसित करे गिस अउ छह चिकित्सा अधिकारी मनके सेवा समाप्ति करके उंकर अनुपस्थिति बखत के मूलभूत नियम 17 'ए' अउ पेंशन नियम 1976 के नियम 27 के तहत निराकरण करत अलग विभागीय आदेश पाछु 7 फरवरी के विभाग डहर ले जारी करे गे हावय।
13 चिकित्सा अधिकारी मनला विभाग डहर ले अनुपस्थित होए के कारन ल साफ करे बर युक्तियुक्त मउका देत होइस 1 दिसम्बर 2022 के प्रकरण के सुनवाई नियत करे गे रिहिस। म ये 13 चिकित्सा अधिकारी मन म ले कोनो सुनवाई म उपस्थित नइ होइस अउ न ही उंकर डहर ले कोनो अभ्यावेदन प्रस्तुत करे गिस। ये चिकित्सा अधिकारी मन म 11 चिकित्सा अधिकारी तीन साल ले जादा समय ले अउ दू चिकित्सा अधिकारी तीन साल ले कम समय ले अनुपस्थित हावयं।
11 चिकित्सा अधिकारी मनके सेवा खतम-
- डॉ. सुमीत सोलंकी, चिकित्सा अधिकारी, दस बिस्तसर अस्पताल, नवा रायपुर,
- डॉ. धर्मेंद्र कुमार, चिकित्सा अधिकारी, जिला अस्पताल कबीरधाम,
- डॉ. रिद्धी अरोरा, चिकित्सा अधिकारी, जिला अस्पताल दुर्ग,
- डॉ. सुरेंद्र कुमार सिस्टू, चिकित्सा अधिकारी, जिला अस्पताल दुर्ग,
- डॉ. छवि जांगड़े, चिकित्सा अधिकारी, जिला अस्पताल बेमेतरा,
- डॉ. पारुल जोगी, चिकित्सा अधिकारी, सामुदायिक स्वास्थ्य केंद्र मस्तूरी,
- डॉ. तान्या मिश्रा, चिकित्सा अधिकारी, 50 बिस्तर, एमसीएच,
- डॉ. शारदा परिहार, चिकित्सा अधिकारी, जिला अस्पताल मुंगेली,
- डॉ. शबा परवीन, चिकित्सा अधिकारी, जिला अस्पताल सूरजपुर,
- डॉ. धनंजय प्रसाद साहू, चिकित्सा अधिकारी, सामुदायिक स्वास्थ्य केंद्र सोनहत अउ
- डॉ. कमल कुमार डहिरे, चिकित्सा अधिकारी, सामुदायिक स्वास्थ्य केंद्र फरसाबहार सामिल हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।