चलव संगी महिला मड़ई म खाबो मिलेट के डोसा अउ देखबो समुह वाली दीदी मनके आचार, पापड़, चिप्स, पोहा, मुर्रा, लड्डू, चटनी, कुकीज, नमकीन, चना, बिस्किट

चलव संगी महिला मड़ई म खाबो मिलेट के डोसा

अंजोर.रायपुर। राजधानी म चलत महिला मड़ई म दिखीस महिला मन के आर्थिक तरक्की के झलक। प्रदेशभर ले महिला समूह अपन जिनिस ल लेके इहां पहुंचे हावय। एमे जांजगीर के परसिध कोसा, बस्तरिया आर्ट के आने-आने कलाकृति, मिलेट के स्वादिष्ट खाद्य उत्पाद, हस्तशिल्प अउ आन सजावटी सामान ह प्रमुख रूप ले लोगन ल अपन तनि आकर्षित करिन। महिला मन डहर ले ए मड़ई म 64 स्टॉल के जरिये अपन समूह के जिनिस म सामाग्री के बिक्री सह प्रदर्शनी लगाये गे रिहिस।

महिला बाल विकास विभाग डहर ले बीटीआई ग्राउंड म आयोजित ए मड़ई म कोरिया फेडरेशन के जिला अध्यक्ष श्रीमती नीलिमा चतुर्वेदी ह बताइन के फेडरेशन म 15 हजार महिला स्वसहायता समूह काम करत हावय। फेडरेशन ले 1.50 लाख ले जादा महिला मन जुरे हावयं। हर समूह के हरेक महीना 50 हजार ले एक लाख रूपिया तक के आमदनी होवत हावय।

महिला मड़ई 2023

चलव संगी महिला मड़ई म खाबो मिलेट के डोसा

ओमन बताइन के समूह डहर ले उत्पादित आचार, पापड़, चिप्स, पोहा, मुर्रा, लड्डू, चटनी, कुकीज, नमकीन, चना, बिस्किट महिला हॉस्टल, छात्रावास, मध्यान्ह भोजन म दे जाथे। उंकर फेडरेशन ल राष्ट्रपति अउ मिनीमाता सम्मान ले सम्मानित करे गे हावय। ओमन मुख्यमंत्री भूपेश बघेल के आभार जतात किहिन हावय के समूह डहर ले तइयार करे  गे जिनिस के बिक्री ल लेके वो निश्चिंत हावय, काबर के सी-मार्ट के माध्यम ले सबो जिनिस बाजार म आसानी ले उपलब्ध होए के संग उंकर बिक्री तको जल्दी हो जात हावय।

कोरबा जिला के गांव कथरिमाल के संयम स्वसहायता समूह के श्रीमती भागबाई बंजारे बतात हावय के समूह के महिला मन एक दिन म चार ले पांच सौ बल्ब बनात हावय। उंकर डहर ले 9 वॉल्ट अउ 12 वॉल्ट के बल्ब बनाए जात हावय। समूह के महिला मन पाछु 2 साल ले बल्ब बनाये के काम करत हावय। येकर ले हरेक महीना हर सदस्य के चार ले पांच हजार रूपिया के आमदनी होवत हावय।

गौरेला-पेंड्रा-मरवाही जिला के नेक महिला स्वसहायता समूह सजावटी समान अउ मनिहारी के सामान बनाके जगह-जगह स्टॉल लगाके उंकर बिक्री करत हावय। खास बात ये हावय के समूह म 20 सदस्य हावय अउ सबो दिव्यांग हावय। समूह के महिला मन हरेक महीना 30 हजार ले जादा के आमदनी कर लेत हावय। उहें, रोशनी समृद्ध सरगुजा सह समिति अंबिकापुर के जशमीता बखला बतात हावय के 9 सदस्य मिलके फिनाईल अउ वाशिंग पाउडर बनाये के काम करत हावय। महीना म हर सदस्य के 2 ले लेके ढ़ाई हजार रूपिया तक के आमदनी हो जात हावय।