 |
| जमीन के लालच म आदिवासी महिला मन ले बिहाव |
अंजोर.कोरिया। सरगुजा संभागायुक्त डॉ संजय कुमार अलंग ह संभाग के जिला म गैर आदिवासी पुरुष डहर ले आदिवासी महिला मन ले बिहाव करके उंकर नाम म जमीन खरीदे के मामला ल गंभीरता ले लिस हावय। कमिश्नर डॉ अलंग ह ए मामला के विस्ता्र ले जांच करके नियम के मुताबिक कार्यवाही करे जाये बर उपायुक्त राजस्व नीलम टोप्पो ल निर्देशित करिन हावय।
कमिश्नर के निर्देश म उपायुक्त राजस्व डहर ले अइसे मामला के सतत मॉनिटरिंग करे अउ साप्ताहिक समय-सीमा के बइठक म कार्यवाही के समीक्षा करत मासिक प्रगति प्रतिवेदन प्रस्तुत करे संबंधी परिपत्र जिला कलेक्टर मनला जारी करे हावय।
जानबा होवय के संभाग के जिला म गैर आदिवासी पुरुष डहर ले आदिवासी महिला मन ले बिहाव करके उंकर नाम म जमीन खरीदे संबंधी खबर मीडिया म तको प्रकाशित होइस रिहिस। संभागायुक्त ह ये खबर ल तको संज्ञान लेके मामला के जांच अउ निगरानी के खातिर जरूरी निर्देश दे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।