 |
| अंतर्राष्ट्रीय महिला दिवस |
अंजोर.रायपुर। अंतर्राष्ट्रीय महिला दिवस के मउका म राजधानी रायपुर के तेलीबांधा तरिया ले महिला सशक्तिकरण के संदेश लेके बड़ संख्या म महिला मन ह बाइक रैली निकालिस। रैली म महिला अउ बाल विकास मंत्री श्रीमती अनिला भेंड़िया, छत्तीसगढ़ राज्य महिला आयोग के अध्यक्ष डॉ. किरणमयी नायक, छत्तीसगढ़ बाल संरक्षण आयोग के अध्यक्ष श्रीमती तेजकुंवर नेताम, जिला पंयायत रायपुर के अध्यक्ष श्रीमती डोमेश्वरी वर्मा, महिला बाल विकास विभाग के संचालक श्रीमती दिव्या मिश्रा, यूनिसेफ के राज्य प्रमुख जॉब जकारिया सहित बड़ संख्या म जनप्रतिनिधि अउ महिला मन सामिल होइसं।
ओमन रैली म गढ़बो सुपोषित छत्तीसगढ़ अउ बेटी बचाओ बेटी पढ़ाओ के संदेश तको दीस। रैली तेलीबांधा तरिया ले सुरू होके घड़ी चौक, आमापारा, स्टेशन चौक ले होवत फाफाडीह चौक, अंबेडकर चौक, केनाल रोड होवत होइस लगभग 15 किलामीटर के दूरी तय करत वापस तेलीबांधा तरिया म आके खतम होइस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।