राखड़ खुदाई के बखत सिलतरा म 3 के मउत अउ 2 घायल, मुख्यमंत्री भूपेश बघेल दुःख प्रकट करत घायल के बढि़या इलाज के दीस निर्देश

अंजोर.रायपुर। मुख्यमंत्री भूपेश बघेल ह राजधानी रायपुर के सिलतरा इलाका म राखड़ खुदाई करत बेरा तीन लोगन के मउत म गहरा दुःख व्यक्त करिन हावय। ओमन हादसा म घायल के तुरते अउ बढि़या इलाज के संग ही आन जरूरी मदद उपलब्ध कराये खातिर  अधिकारी मनला निर्देश दे हावयं। राखड़ खुदाई के समय मलबा म 5 लोगन दबगे रिहिस, जेमा 3 के मउत होगे हावय अउ 2 घायल हावयं, जेकर उपचार जारी हावय।