अंजोर.रायपुर। मुख्यमंत्री के घोसना मुताबिक हरेक साल विकासखण्ड, जिला अउ संभाग स्तर म मुख्यमंत्री गौरव अंलकरण योजना ले शिक्षक मनला पुरस्कृत करे जाथे। स्कूल शिक्षा मंत्री डॉ. प्रेमसाय सिंह टेकाम ह आज माध्यमिक शिक्षा मण्डल परिसर म समिलहा संचालक स्कूल शिक्षा कार्यालय के सभागार म मुख्यमंत्री शिक्षा गौरव अलंकरण योजना ले रायपुर संभाग के 31 शिक्षक मनला सम्मानित करिन। एमे शिक्षा दूत सम्मान ले 12 शिक्षक, ज्ञानदीप ले 03 शिक्षक, शिक्षा ले 03 व्याख्याता, उत्कृष्ट प्राचार्य 05 अउ 08 उत्कृष्ट प्राधान पाठक सम्मानित होइस। ये सम्मान शिक्षा के क्षेत्र म श्रेष्ठ बुता करे वाला शिक्षक मनला लइका के अध्ययन-अध्यापन के संग कौशल विकास, बौद्धिक, शारीरिक अउ सामाजिक जुमेदारी के प्रति उत्तरदायित्व के खातिर प्रेरणादायक बुता करे के खातिर दे जाथे।
स्कूल शिक्षा मंत्री डॉ. प्रेमसाय सिंह टेकाम ह मुख्यमंत्री शिक्षा गौरव अलंकरण समारोह ल संबोधित करत किहिन के गुरू ल आदिकाल ले समाज के पथ प्रदर्शक रिहिन हावयं इही सेती वो ह हमेशा सम्मान के पात्र रिहिन हावयं। 5 सितंबर के हरेक साल शिक्षक दिन मनाकर शिक्षक मन के सम्मान करे जाथे। ये सम्मान राज्य स्तरीय होवत हावय। विकासखण्ड स्तर म शिक्षक दूत, जिला स्तर म ज्ञानदीप अउ संभाग स्तर म शिक्षा सम्मान ले ‘मुख्यमंत्री शिक्षा गौरव अलंकरण’ योजना के तहत् शिक्षक मनला सम्मानित करे जात हावय। ओमन किहिन के कोरोना जइसे महामारी के बखत म शिक्षक मन ह शिक्षा के ज्योति के जलाए रखे अउ बहुत सारे नवाचार करिस। राज्य के शिक्षक डहर ले वो बखत करे नवाचार के अनुकरण आन राज्य ह तको करिन।
मंत्री डॉ. टेकाम ह किहिन के शिक्षक आदर्श हों त उंकर व्यवहार के अनुकरण सबो करत हावयं। ये तको सत्य हावय के सबोच मनखे अपन पढ़ईकाल म कोनो न कोनो शिक्षक ले प्रभावित होवत हावय। ओमन मुख्यमंत्री शिक्षा गौरव अलंकरण पुरस्कार पवइया सबो शिक्षक मनला बधाई देत गेलौली करिन के वो सरलग पढ़ईया हित म अच्छा बुता करत रिहिनं। संग ही अपन संगी शिक्षिक ल तको बढि़या बुता करे के खातिर प्रेरित करें। डॉ. टेकाम ह किहिन के शिक्षिक मनला अपन सामाजिक जुमेदारी ल नइ भूलना चाही। लइका के बौद्धिक, नैतिक अउ कौशल विकास के खातिर हमेशा सजग रहना चाही। ओमन किहिन के अभी परीक्षा के समय निकट हावय त सबो तन-मन ले तइयारी म जुट जाएं अउ संकल्प लेंके ए साल स्कूल के बढि़या परिणाम आए।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।