अंजोर.महासमुंद। छत्तीसगढ राज्य के सीमावर्ती राज्य ओडिशा ले सरलग अवैध गांजा के परिवहन महासमुंद के रद्दा करे जाये के सूचना म पुलिस अधीक्षक ह सबो थाना/चैकी प्रभारी ल नशीली पदार्थ, अवैध दारू-गांजा के तस्करी करइया के खिलाफ कार्यवाही अउ सघन चेकिंग अभियान करे बर निर्देशित करे गिस रिहिस। पुलिस अधीक्षक महासमुन्द, महोदय ल मुखबीर ले सूचना मिले रिहिस के ओड़िशा ले अवैध मादक जिनिस गांजा के बडा खेप एक क्रेटा कार म ओडिशा ले महासमुन्द होवत प्रदेस के तनि जाने वाला हावय। जेन म तुरते पुलिस अधीक्षक महासमुन्द, महोदय डहर ले थाना सिंघोडा पुलिस टीम ल तुरते कार्यावाही करे बर निर्देशित करिन। महासमुंद जिला म प्रवेश करइया सबो पाईंट म तको बल तैनात करके संदिग्ध वाहन के जांच करत तभे बरगड ओडिशा़ कोति ले 01 क्रेटा कार क्रमांक CG 04 LK 5040 महासमुन्द के तनि आ रेहे रिहिस। ये वाहन क्रेटा कार के एन.एच. 53 रोड रेहटीखोल के पास घेराबंदी करके रोका गिस। जेकर ले नाम पता पुछे म अपन नाम (01) धर्मेन्द्र कुमार मौर्य पिता रमेश मौर्य उमर 24 साल सा. राजेन्द्र गांव थाना राजेन्द्र गांव जिला अनुपपुर म.प्र. अउ आन मनखे अपन नाम (02) शुभम यादव पिता लखन लाल उमर 26 साल सा. देवरी वार्ड नं. 12 थाना चचाई जिला अनुपपुर जिला म.प्र. हाल मुकान वार्ड नं. 04 धनपुरी रजा मोहल्ला थाना धनपुरी जिला शहडोल म.प्र. के होना बताये। जेमा ओड़िशा आने के सेती अउ वाहन म का लोड हावय पूछे जाये म टाल मटोल अउ गोलमोल जवाब दे लगे जवाब म असमानता पाये जाये म संदेह लागे म वाहन के तलाशी लिस।
पुलिस के बतारी क्रेटा कार के पाछु डिक्की म एक प्लास्टिक बोरी मिले रिहिस। जेला खोलके देखे म अवैध मादक जिनिस गांजा मिलिस। जेला तौल करे म कुल 01 प्लास्टिक बोरी म 80 किलो मादक जिनिस गांजा मिलिस। वाहन म अवैध गांजा परिवहन करत पाये जाये म मउका म दुनों आरोपी मन ल गिरफ्तार करके 80 किलो कीमती 16,00,000 रूपिया गांजा अउ वाहन क्रं. CG 04 LK 5040 कीमती 6,00,000 रूपिया, नगदी रकम 3000 रूपिया कुल जुमला कीमती 21,03,000 रूपिया जप्त करे गिस। आरोपी ले गांजा के संबंध म पूछताछ करे म उड़िसा ले लाना अउ मध्ययप्रदेस प्रदेस ले जाना बताये। आरोपी मन डहर ले भारी अकन म गांजा परिवहन करे जाये म आरोपीओं के विरूद्ध अपराध क्रमांक 06/2023 धारा 20(ख) एनडी.पी.एस. के तहत थाना कोमाखान म कार्यवाही करे जात हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।