मितानिन पेटी ले लेके मेडिकल कॉलेज तक दवई के कमी नइ होना चाही : टी.एस. सिंहदेव

टी.एस. सिंहदेव

अंजोर.रायपुर। स्वास्थ्य, परिवार कल्याण अउ चिकित्सा शिक्षा मंत्री टी.एस. सिंहदेव ह सीजीएमएससी (Chhattisgarh Medical Services Corporation) के अध्यक्ष अउ निदेशक अउ वरिष्ठ विभागीय  अधिकारी मनके संग देशभर ले आए फॉर्मास्युटिकल कंपनी के प्रतिनिधि मन ले गोठबात करिस। सीजीएमएससी डहर ले रायपुर म आयोजित दू दिवसीय राष्ट्रीय फॉर्मास्युटिकल एंड इक्वीपमेंट मेनुफेक्चरर्स मीट (National Pharmaceutical & Medical Equipment Manufacturers Meet) के पहिली दिन आज सिपला, एबॉट, डॉ. रेड्डीज लैबोरेटरीज, जिओमेड, भारत सीरम, जॉनसन एंड जॉनसन, नोवार्टिज अउ बायोकॉन जइसे कई प्रतिष्ठित कंपनी सहित करीब 90 फॉर्मा अउ सप्लायर कंपनी अउ दवा आपूर्ति के निविदा म भाग ले वाला फर्म ह हिस्सा लिस। सीजीएमएससी के अध्यक्ष डॉ. प्रीतम राम, निदेशक डॉ. के.के. ध्रुव अउ स्वास्थ्य विभाग के सचिव प्रसन्ना आर. तको मीट म सामिल होइस।

मीट म प्रदेस म दवई मन अउ कन्ज्युमेबल्स (Consumables) के आपूर्ति म आत दिक्कत के समाधान म विस्ता्र ले गोठबात करे गिस। सीजीएमएससी के डहर ले दवा आपूर्ति के खातिर जारी निविदा म कंपनी के भागीदारी बढ़ाना, अभी के बेरा निविदा प्रक्रिया म सप्लायर ल आत समस्या अउ उंकर समाधान, दवई मन के क्षेत्र म उपलब्ध नवा तकनीक, भविष्य के कार्ययोजना उक विषय म तको ए बखत विमर्श करे गिस। भाग लेवइया कंपनी ह निविदा के अभी के बेरा प्रक्रिया अउ एला बढि़या बनाये के खातिर अपन फीडबैक अउ सुझाव दिस। राष्ट्रीय फॉर्मास्युटिकल एंड इक्वीपमेंट मेनुफेक्चरर्स मीट के आन दिन काली 7 दिसम्बर के मेडिकल उपकरण के बनाये अउ आपूर्ति ले जुड़े कंपनी भाग लेही।

स्वास्थ्य मंत्री सिंहदेव ह राष्ट्रीय फॉर्मास्युटिकल एंड इक्वीपमेंट मेनुफेक्चरर्स मीट के सुरू करत होइस किहिन के मितानिन पेटी ले लेके मेडिकल कॉलेज अस्पताल तक पर्याप्त दवई मन के उपलब्धता सुनिश्चित करत बढि़या आपूर्ति बेवस्था जरूरी हावय। येकर बिना यूनिवर्सल हेल्थ कवरेज के लक्ष्य हासिल नइ करे जा सकते। ओमन किहिन के सीजीएमएससी के डहर ले प्रदेस भर म सही कीमत म गुणवत्तापूर्ण दवई उपलब्ध कराये के खातिर येकर आपूर्ति के बेवस्था के सरलग मजबूत करे जात हावय। सही कीमत म दवई मिले ले प्रदेस के खातिर जादा दवई खरीदे जा सकत हावयं। ओमन मीट म हिस्सा ले रिहिन भाग लेवइया मन के धन्यवाद देत किहिन के आप लोगन के सहयोग ले प्रदेस म दवा आपूर्ति म तेजी लाने अउ पर्याप्त दवई मन के भंडारण म मदद मिलही।

सीजीएमएससी के अध्यक्ष विधायक डॉ. प्रीतम राम ह मीट के संबोधित करत किहिन के दवई मन के पर्याप्त आपूर्ति अउ भंडारण के खातिर समुचित बेवस्था जरूरी हावय। दूरदराज के अस्पताल म तको सबो दवई उपलब्ध हो, येकर खातिर कार्पोरेशन सरलग आपूर्ति बेवस्था के मजबूत करत हावय। स्वास्थ्य विभाग के सचिव प्रसन्ना आर. ह किहिन के प्रदेस के सरकारी अस्पताल म सबो लोगन के फोकट म दवई अउ डायग्नोसिस मुहैया कराना सरकार के लक्ष्य हावय। मीट म भाग ले रिहिन कंपनी के फीडबैक अउ सुझाव ले दवा आपूर्ति के बेवस्था के कमी अउ खामी ल दूरिहा करे जा सकही। सप्लाई सिस्टम के कोन रकम ले ले बढि़या कर सकत हावयं, येकर खातिर ए मीट के आयोजन करे गे हावय। सीजीएमएससी के प्रबंध संचालक अभिजीत सिंह ह मीट म कार्पोरेशन डहर ले दवा खरीदे के प्रक्रिया अउ येकर आने-आने पहलु के विस्तार ले जानकारी दीस। पंडित जवाहर लाल नेहरू सुरता चिकित्सा कॉलेज रायपुर, डीकेएस सुपरस्पेशियालिटी अस्पताल अउ स्वास्थ्य विभाग के केऊ वरिष्ठ अधिकारी तको मीट म मौजूद रिहिस।