अंजोर.सूरजपुर। कलेक्टर सुश्री इफ्फत आरा के निर्देश के मुताबिक अउ मुख्य चिकित्सा अउ स्वास्थ्य अधिकारी जिला सूरजपुर डॉ. आर.एस. सिंह अउ सिविल सर्जन सह मुख्य अस्पताल अधीक्षक डॉ. एस. के. त्रिपाठी के मार्गदर्शन म 10 दिसंबर 2022 के बिहनिया 11 बजे ले 02 बजे तक जिला स्वास्थ्य समिति सूरजपुर अउ रामकृष्ण केयर हॉस्पिटल रायपुर के समिलहा तत्वाधान म जिला अस्पताल सूरजपुर म फोकट म हिरदे अउ कैंसर जांच सलाह शिविर के आयोजन करे गे हावय।
जेमा हिरदे रोग विशेषज्ञ डॉ. जावेद परवेज ओ.पी.डी. नंम्बर 05 अउ कैंसर रोग विशेषज्ञ डॉ. सौरभ जैन ओ.पी.डी. नंम्बर 34 म उपस्थित होके सलाह देही। मुख्य चिकित्सा अउ स्वास्थ्य अधिकारी, डॉ. आर.एस. सिंह ह बताइन के लोगन के बढि़या स्वास्थ्य सुविधा दे करे बर ए रकम ले कैंप के आयोजन करे जात हावय अउ इंकर डहर ले जिला के सबो लोगन ले अपील करे गे हावय के जतका भी कैंसर अउ हिरदे रोग के संभावित मरीज हावय सबो कैंप म आके ए सुविधा के लाभ उठावें। कैंप बर रजिस्ट्रेशन अउ जानकारी बर डॉ. दीपक जायसवाल मो नं. 9926408456, डॉ. आशुतोष कोसले मो. नं. 8959232393, डॉ. अनिश मो. नं. 6266009542 म संपर्क कर सकत हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।