मुख्यमंत्री भूपेश बघेल जी खाइस गरियाबंद के पान, जीवन लाल देवांगन के पान दुनियाभर म फेमस

अंजोर.रायपुर। मुख्यमंत्री भूपेश बघेल गरियाबंद जिला के दौरा म हावय अउ ये बखत ओमन गुजरत बेरा सड़क तिर के फेमस पान दुकान देखिस जीवनलाल देवांगन के, अचानक रुकिस अउ पान के सुवाद लिस। जानबा होवय के जीवन लाल देवांगन के पान न सिरिफ गरियाबंद बल्कि देश अउ देश के बाहिर तको अपन खास किसम के सेती लोकप्रिय हावय। मुख्यमंत्री श्री बघेल ल भेंट मुलाकात के बखत ओमन नेवता दे रिहिस जेला स्वीकार करत मुख्यमंत्री ह पहुंचिस।

मुख्यमंत्री ह श्री देवांगन के पान दुकान म बइठके ओमन पान बनई ल ​देखिस अउ परिवार संग गोठबात तको करिस। ओमन किहिन के जुन्ना दिन के सुरता आगे- जब जब से कोति आना होवय इहां पान जरूर खावय। श्री देवांगन ल आने-आने किसम के पान बनाये के सेती कई पुरस्कार तको मिले हावय।