कुम्हारी ओवर ब्रिज म जबर हादसा, पति-पत्नी के मउत लइका घायल, जिम्मेदार ऊपर कार्यवाही करे निर्देश दिस मुख्यमंत्री भूपेश बघेल

कुम्हारी ओवर ब्रिज म जबर हादसा, पति-पत्नी के मउत

अंजोर.रायपुर। कुम्हारी म ओवर ब्रिज ले एक बाइक गिरे ले दम्पत्ति  के मउत होगे। ये मउका म प्रदेश के मुखिया भूपेश बघेल ह मृत्यु के घटना म गहरा दुख प्रकट करे हावय। मुख्यमंत्री ह मृतक के परिवार के प्रति संवेदना प्रकट करत जिला प्रशासन के ए दुर्घटना म घायल लइका के बढि़या इलाज के सुविधा उपलब्ध कराये के निर्देश दे हावयं। मुख्यमंत्री ह ए घटना के जिम्मेदार के विरुद्ध तुरते दण्डात्मक कार्यवाही करे के निर्देश अधिकारी मनला दिये हावयं। मुख्यमंत्री ह येकर संग जिला प्रशासन के अधिकारी मनको निर्माणाधीन ओवरब्रिज म बेरिकेडिंग सहित सुरक्षा के सबो उपाय सुनिश्चित करे के निर्देश दे हावयं ताकि भविष्य म अइसे हादसा नइ हो।