 |
| यातायात, सायबर अपराध, एटीएम. फ्रॉड के जानकारी |
अंजोर.धमतरी। पुलिस अधीक्षक धमतरी के निर्देश म डीएसपी श्रीमती सारिका वैद्य अउ भावेश साव के अगुवई म थाना प्रभारी रूद्री अउ थाना प्रभारी नगरी अउ कोतवाली पुलिस डहर ले गांव रूद्री के सरकारी उच्चतर माध्यमिक स्कूल रूद्री ,शासकीय उच्चतर माध्यमिक स्कूल नगरी अउ सरकारी उच्चतर माध्यमिक स्कूल आधारी अधारी नवांगांव अउ जालमपुर के पढ़इया लइका ल सायबर अपराध,एटीएम फ्रॉड,पॉस्को एक्ट अउ यातायात नियम के जानकारी दीस अउ दोपहिया वाहन म तीन सवारी नी चले अउ हमेशा यातायात नियम के पालन करना बताइन अउ सायबर फ्राड के संबंध म तको जानकारी दीस के कोनो भी अनजान मनखे के निजी जानकारी साझा नइ करे अउ ओटीपी शेयर नइ करे के खातिर बताइन।
थाना प्रभारी रूद्री, नगरी अउ कोतवाली पुलिस डहर ले स्कूल के पढ़ईया लइका ल गुड टच बैड टच पॉक्सो एक्ट अउ सायबर अपराध, नशा के दुष्प्रभाव के संबंध म जानकारी देके ओला जागरूक करे गिस। बालक नोनी मन के संरक्षण के खातिर बनाए गे पोक्सो एक्ट अउ महिला संबंधी अपराध अउ महिला ले संबंधित कानून के संबंध म जानकारी देत होइस पढ़इया लइका के जागरूक करे गिस। पढ़इया लइका ल एटीएम फ्रॉड अउ अनजान फर्जी कॉल ले दूरिहा रेहे अउ लॉटरी फसे के झांसा दे वाला ले बांचे के संबंध म जरूरी जानकारी दीस। जागरुकता कार्यक्रम कार्यक्रम म थाना प्रभारी रूद्री निरी.शरद ताम्रकार,थाना प्रभारी नगरी निरी.डी.के.कुर्रे अउ कोतवाली थाना ले उनि. नरसिंह ध्रुव, सउनि.कमील.चंद्र सोरी, स्कूल के प्रिंसिपल अउ विद्याल के शिक्षकगण, स्कूल के पढ़ईया लइका जादा संख्या म उपस्थित रिहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।