 |
| पटवारी प्रशिक्षण बर 18 आवेदक चयन |
अंजोर.कोरबा। पटवारी प्रशिक्षण के खातिर जिला के 18 आवेदन करइया के चयन करे गे हावय। व्यावसायिक परीक्षा मण्डल के डहर ले आयोजित पटवारी चयन परीक्षा 2022 के परीक्षा परिणाम बाद पटवारी प्रशिक्षण के खातिर आवेदन करइया के दस्तावेज सत्यापन बाद पात्र आवेदन करइया के आखरी चयन सूची जारी करके दे गे हावय। चयनित आवेदन करइया के 31 दिसंबर तक अपन उपस्थिति जरूरी परमान पाती अउ दस्तावेज के संग पटवारी प्रशिक्षण स्कूल बिलासपुर म देना होही।
कोरबा जिला म पटवारी के चयनित 18 आवेदन करइया म अनारक्षित वर्ग के ले 08 पद सामिल हावयं। अनुसूचित जाति के 01 पद, आन पिछड़ा वर्ग के 02 पद अउ अनुसूचित जनजाति वर्ग के 07 पद सामिल हावयं। अनारक्षित मुक्त वर्ग ले चयनित आवेदन करइया म गौरव कुमार, अनुराग कुमार कौशिक, नीरज कुमार विश्वास, स्वाती, स्वाति चंद्रा, खुशबु शर्मा, मुकेश कुमार अउ आदित्य कुमार सामिल हावय। आन पिछड़ा वर्ग ले दुर्गेश्वर कैवर्त अउ स्वाती साहू के चयन सामिल हावयं। अनुसूचित जाति वर्ग बर एक मुक्त पद के खातिर विरेन्द्र डहरिया के चयन होइस हावय। इही रकम ले अनुसूचित जनजाति वर्ग ले अघन सिंह, लव कुमार, सुनिसल कुमार कंवर, देवेंद्र ठाकुर, प्रीति, निशा विंध्याराज अउ बिसेस पिछड़ी जनजाति वर्ग के बाबूलाल पहाड़ी कोरवा के चयन होइस हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।