राज्य महिला आयोग थर्ड जेंडर के समस्या के तको करही सुनवाई : डॉ.किरणमयी नायक... पढ़व अंजोर छत्तीसगढ़ी समाचार म पूरा खबर

राज्य महिला आयोग : डॉ.किरणमयी नायक

अंजोर.रायगढ़। राज्य महिला आयोग के अध्यक्ष डॉ.किरणमयी नायक ले रायगढ़ कलेक्ट्रेट सभाकक्ष म रायगढ़ असीम कृपा फाउंडेशन के तत्वाधान म तीसरा लिंग समुदाय के मन ह मुलाकात करके अपन समस्या अउ मांग मन के ज्ञापन दीस। ओमन अध्यक्ष डॉ.नायक के बताइन के तीसरा लिंग समुदाय के मनखे मन ल कई रकम ले के परेशानी अउ समस्या के सामना करे पड़त हावय। अपन समस्या रखे म दिक्कत होत हावय कई बार दुव्र्यवहार के सामना तको करना पड़त हावय। ओला भी समाज म स्वाभिमान ले जीये के अधिकार हावय उंकर खातिर तको नियम कानून बनाए गे अउ आने-आने अधिकार अउ सहूलियत सरकार डहर ले दे गे हावयं। सर्वोच्च न्यायालय डहर ले उंकर खातिर तको कई नियम लागू करे  गे हावयं। 2019 एक्ट के तहत ओला कानूनी संरक्षण अउ अधिकार मिले हावय। फेर जागरूक नइ होए के सेती अउ ओला उचित मार्गदर्शन नइ मिले के सेती वो ह अपन अधिकार के लड़ाई नइ लड़ पात हावयं। आज इही ओढ़र म असीम कृपा फाउंडेशन के तत्वाधान म थर्ड जेंडर समुदाय तीसरा लिंग समुदाय के समस्या के सुनवाई तको अब राज्य महिला आयोग के अधीन हो  पाही। 

राज्य महिला आयोग के अध्यक्ष डॉ.किरणमयी नायक रायगढ़ जिला के सभाकक्ष म सुनवाई करत होइस किहिन के कोनो तको रकम के समस्या हो या कोनो पुरुष परेशान करें या फेर कोनो महिला तको परेशान करही त तको महिला आयोग म थर्ड जेंडर अउ एलजीबीटी कम्युनिटी शिकायत कर सकत हावय। जेकर हम सुनवाई करही राज्य महिला आयोग के अध्यक्ष डॉ.किरणमयी नायक ह ओला आश्वस्त करत होइस किहिन के अब ले आप के सुनवाई राज्य महिला आयोग म हो  पाही । फिलहाल अभी आयोग म ए विषय म कोनो रकम ले के कोनो प्रतिबंध नइ हावय। निश्चित तौर म आयोग म आप शिकायत करके सकत हावयं उंकर सुनवाई राज्य महिला आयोग करही। निश्चित ही राज्य महिला आयोग तीसरा लिंग समुदाय के खातिर हर सहयोग करे के खातिर तइयार हावय अउ हम आगू तको करही अउ आयोग डहर ले तुँमन ल हर संभव मदद अउ सहयोग करे के कोशिश करही। येकर ले अब जेन तको समस्या अउ सुनवाई होही वो ह राज्य महिला आयोग के अधीन हो सकही।