जंगली जानवर मनके पीने के पानी के खातिर बनही वाटर हार्वेस्टिंग, भैरमगढ़ के पोन्दुम गांव म बनाये गे हावय माटी के बांध.., अंजोर छत्तीसगढ़ी म पढ़व पूरा खबर

अंजोर.बस्त र। छत्तीसगढ़ के जंगल म जंगली जानवर अउ उंहा के लोगन खातिर सालभर पानी के उपलब्धता बनाएं रखे के खातिर वन विभाग डहर ले बड़े पैमाना म वाटर हार्वेस्टिंग संरचना बनाये जात हावय। ये संरचना के बने ले वन क्षेत्र म नमी बने रिही। संग ही वन्य जीव मन के पीने के पानी के उपलब्धता बने रिथे। आसपास के गांव वाला ल तको ये संरचना ले बारहमासी निस्तारी के सुविधा मिलही। ए रकम ले राज्य सरकार डहर ले संचालित नरवा विकास कार्यक्रम सुदूर वनांचल म वनवासी के खातिर काफी साथी साबित होवत हाबे।

वन विभाग डहर ले कैम्पा मद के वार्षिक कार्ययोजना 2020-21 के भाग-2 म मिले आबंटन के तहत बीजापुर वनमण्डल के भैरमगढ़ परिक्षेत्र के पोन्दुम गांव के कर्रेपारा म माटी के बांध बनाये गे हावय। ए बांध के बनाये 33 लाख 67 हजार रूपिया के लागत ले कराये गे हावय। वनांचल क्षेत्र म बनाये जात भू-जल संरक्षण अउ संवर्धन के संरचना वन, वन्य प्राणी, वन गांव के गांव वाला अउ उंकर पशु मन खातिर काफी उपयोगी साबित होत हावयं। ये संरचना ल बनाये म आसपास के गांव के गांव वाला के मजदूरी के रूप म रोजगार मिलत हावय अउ पानी के बारहमासी इंतजाम तको हो जाथे। गांव पोन्दुम म बने 172 मीटर लंबा माटी के बांध म पोन्दुम सहित आदिगुड़ा, पल्लेवाया, पातरपारा उक गांव के लोगन ल रोजगार मिलिस। ए बांध के कैचमेंट क्षेत्रफल 40.03 एकड़ अउ जलभराव के क्षेत्रफल 4.84 एकड़ हावय।

वन क्षेत्र म बने वाला वाटर हार्वेस्टिंग इकाईयों म वन विभाग डहर ले गांव वाला ल प्रोत्साहित करके मछली पालन जइसे आयमूलक गतिविधी तको संचालित करे जात हावयं। पोन्दुम गांव म बने माटी के बांध म गांव के गांव स्तरीय समिति डहर ले गांव वाला के खातिर मछली पालन करे जात हावय। माटी के ए बांध म रोहू, ग्रासकार्प, कॉमनकार्प अउ कतला प्रजाति के मछली के 100 किलो मछली बीजहा डालें गे हावयं।