बसना थाना क्षेत्र म भारी मात्रा म अवैध फ़टाखा, विस्फोटक अधिनियम के तहत होए कार्यवाही.., अंजोर छत्तीसगढ़ी म पढ़व पूरा खबर

अंजोर.महासमुंद। पुलिस अधीक्षक महासमुन्द भोजराम पटेल डहर ले अवइया दिन देवारी परब ल देखत पटाखा व्यापारी डहर ले लायसेंस विरूद्ध भारी अकन पटाखा लाने/रखे म सतत् निगाह रखके उचित कार्यवाही करे बर निर्देश करे गे हावय। जेकर तहत सबो थाना/चैकी प्रभारीगण अपन-अपन क्षेत्र म सतर्कता के संग लायसेंस म करार अकन ले जादा मात्रा म पटाखा रखे अउ अनुज्ञप्ति के उल्लंघन करे वाला पटाखा व्यवसायी म नजर रखे जात हावय।

इही ओढ़र म मुखबीर लगाये गे रिहिस, आरो के मुता‍बिक टिकरापारा थाना बसना म व्यापारी भरत बजाज अउ प्रदीप खूबचंदानी अपन दुकान/मकान म भारी मात्रा म अवैध पटाखा रखे हावय। सूचना तस्दीक बर थाना बसना अउ सायबर सेल के टीम मउका म पहुचकर भरत बजाज अउ प्रदीप खूबचंदानी ले पूछताछ करके दुकान अउ मकान के तलाशी लिस। जहां कार्टून म भारे आने-आने कम्पनी के भारी मात्रा म पटाखा मिलिस। व्यापारी भरत बजाज अउ प्रदीप कुमार के पटाखा रखे/बेचे के लायसेंस दिखाये अउ पेश करे बर किहिन। जिहां पटाखा रखे/बेचे के कोनो वैधानिक दस्तावेज अउ लायसेंस अभी के बेरा म नइ होना बताइन। लायसेंस नइ होए म व्यापारी 01 भरत बजाज पिता स्व0 जयरामदास बजाज उमर 42 साल सा0 टिकरापारा थाना बसना के कब्जा ले 29 कार्टून म भरे होइस आने-आने कंपनी के पटाखा कीमती 13,69,732 रूपियां। प्रदीप  कुमार पिता मोतीराम खूबचंदानी उमर 29 साल सा. टिकरापारा थाना बसना* के कब्जा ले 15 कार्टुन के आने-आने कंपनी  के पटाखा कीमती 5,37,130 रूपिया के जप्त करके विस्फोटक अधिनियम के तहत थाना बसना म कार्यवाही के गे हावय।