अंजोर.रायपुर। छत्तीसगढ़ शासन डहर ले प्रदेस म खेल के क्षेत्र म उत्कृष्ट प्रदर्शन करे वाला खिलाड़ी ल राज्य स्थापना के दिन एक नवम्बर के गुण्डाधूर पुरस्कार ले सम्मानित करे जाही। पुरस्कार के रूप म एक लाख रूपिया नगद, अलंकरण फलक अउ प्रशस्ति पाती दे जाही। संचालनालय खेल अउ युवा कल्याण विभाग डहर ले सर्वोच्च खिलाड़ी ले गुण्डाधूर सम्मान 2022-23 के खातिर अनुशंसाए आमंत्रित करे गे हावय। अनुशंसाए जमा करे के अंतिम तिथि 10 अक्टूबर 2022 करार हावय। इच्छुक खिलाड़ी अपन आवेदन खेल अउ युवा कल्याण, सरदार वल्लभ भाई पटेल अंतर्राष्ट्रीय हॉकी स्टेडियम, जी.ई. रोड, रायपुर अथवा खेल अउ युवा कल्याण के जिला कार्यालय म करार तिथि म कार्यालयीन दिन अउ समय म प्रस्तुत कर सकत हावयं। गुण्डाधूर सम्मान के खातिर उपरोक्त नियम के विस्तृत जानकारी खेल विभाग के जिला स्तरीय कार्यालय म तको देखे जा सकत हावय अउ करार प्रपत्र के प्रारूप ले सकत हावय। येकर अलावा विभागीय वेबसाइट www.sportsyw.cg.gov.in म आवेदन के प्रारूप ले सकत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।