अंजोर.अम्बिकापुर। आजादी के अमृत महोत्सव म 25 ले 31 जुलाई 2022 तक जिला म उज्ज्वल भारत उज्ज्वल भविष्य पावर कार्यक्रम के आयोजन करे जात हावय। 27 जुलाई के राजमोहिनी देवी कृषि कॉलेज अजिरमा म आयोजित कार्यक्रम के मुख्य पहुना नगरीय प्रशासन अउ विकास अउ जिला के प्रभारी मंत्री डॉ शिवकुमार डहरिया होही अउ अध्यक्षता खाद्य अउ उपभोक्ता संरक्षण मंत्री अमरजीत भगत करही। इही रकम ले 30 जुलाई के राजमोहनी देवी भवन अम्बिकापुर म आयोजित कार्यक्रम के मुख्य पहुना केंद्रीय जनजातीय राज्य मंत्री श्रीमती रेणुका सिंह अउ अध्यक्षता स्वास्थ्य मंत्री टीएस सिंहदेव करही।
कार्यक्रम म संसदीय सचिव पारसनाथ राजवाड़े, लुण्ड्रा विधायक डॉ प्रीतम राम, खाद्य आयोग के अध्यक्ष गुरप्रीत सिंह बाबरा, छत्तीसगढ़ आदिवासी स्थानीय स्वास्थ्य परंपरा अउ वनौषधि पादप बोर्ड के अध्यक्ष बालकृष्ण पाठक, श्रम कल्याण मंडल के अध्यक्ष शफी अहमद, बीस सूत्रीय कार्यक्रम क्रियान्वयन समिति के उपाध्यक्ष अजय अग्रवाल, महापौर डॉ अजय तिर्की, जिला पंचायत अध्यक्ष श्रीमती मधु सिंह, उपाध्यक्ष आदित्येश्वर शरण सिंहदेव अउ जिला पंचायत सदस्य राकेश गुप्ता विशिष्ट पहुना होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।