कारगिल विजय दिवस म मुख्यमंत्री भूपेश बघेल शहीद जवान मनला दीस श्रद्धांजलि

अंजोर.रायपुर। मुख्यमंत्री  भूपेश बघेल ह कारगिल विजय दिन 26 जुलाई  म भारतीय जवान मनके वीरता ल नमन करत कारगिल युद्ध के शहीद ल अपन श्रद्धांजलि अर्पित करे हावय।  बघेल ह किहिन के भारतीय सेना ह 26 जुलाई 1999 के अपन अदम्य साहस अउ शौर्य ले विपरीत परिस्थिति म तको घुसपैठी ले कारगिल ल मुक्त कराके ’ऑपरेशन विजय’ म सफलता पाइस। ए दिन के सुरता म हम हर साल कारगिल विजय दिवस मनात हावन। ये देश के वीर सपूत के प्रति सम्मान अउ कृतज्ञता प्रगट करे के दिन हावय। ये दिन देश के प्रति कर्तव्य ल सुरता देवात हावय, अउ सिखोत हावय के देश सबले ऊपर हावय। ये पूरा देश के खातिर गौरवशाली दिन हावयं।