सिंगापुर म छत्तीसगढ़ राज्य लघु वनोपज संघ सहित जगदलपुर अउ कोरबा के दू महिला स्व-सहायता समूह ल मिलिस ग्रिट अवार्ड, मुख्यमंत्री भूपेश बघेल करिस मुलाकात

अंजोर.रायपुर। मुख्यमंत्री भूपेश बघेल ले विधानसभा कार्यालय कक्ष म सिंगापुर म ईएसजी ग्रिट पुरस्कार समारोह म सम्मानित स्व-सहायता समूह के महिला मन ले भेट मुलाकात करिस। मुख्यमंत्री बघेल ह राज्य लघु वनोपज संघ सहित वनधन केन्द्र के समूह के उंकर ए महत्त्वपूर्ण उपलब्धि के खातिर बधाई अउ सुभकामना दीस। ए मउका म वन मंत्री मोहम्मद अकबर, अपर मुख्य सचिव सुब्रत साहू, राज्य लघु वनोपज संघ के प्रबन्ध संचालक संजय शुक्ला तको उपस्थित रिहिस।

मुख्यमंत्री बघेल के पूछे म माँ धारिणी स्व-सहायता समूह बकावंड वन धन केन्द्र के सदस्य श्रीमती पद्मिनी बघेल ह बताइन के ओमन पुरस्कार समारोह म अपन बकावण्ड काजू के पूरा प्रोसेसिंग प्रक्रिया के बारे म जानकारी दीस। ओमन मुख्यमंत्री ल बताइन के अब उंकर समूह ह अपन छोटे से दुनिया ले एक बड़े दुनिया के तनि अपन पहिली कदम बढ़ाये हावय। हरिबोल स्व-सहायता समूह डोंगानाला, वनधन केन्द्र के सदस्य श्रीमती सरोज पटेल ह बताइन के ओमन समारोह म उंकर समूह के डहर ले वनौषधी के संग्रहण ले उंकर प्रसंस्करण  अउ बेचे तक के पूरा प्रक्रिया बताईस। 

महिला मन ह मुख्यमंत्री ल बताइन के सिंगापुर बहुत सुंदर हावय। उहाँ ओमन चिरईघर, पार्क, समुद्र, हॉलीवुड के संग ही शहर के हरियाली देखीन। मुख्यमंत्री बघेल ह ओला बधाई देत किहिन के आप सबो तुँहर काम के बदौलत बिदेस जाये के मउका मिलिस। जंगल ले निकलके सिंगापुर के सैर करे के मउका मिलिस। पहिली अधिकारी नेता ल बिदेस घुमे ले जात रिहिस अब वो आप लोगन ल ले जात हावयं, अइसे पहिली बार होइस हावय।

जानबा होवय के सिंगापुर म 22 अउ 23 जुलाई के आयोजित ईएसजी ग्रिट पुरस्कार समारोह म छत्तीसगढ़ राज्य लघु वनोपज संघ सहित जगदलपुर अउ कोरबा के दू महिला स्व-सहायता समूह पुरस्कृत होइस। प्रदेस के लघु वनोपज प्रोसेसिंग के क्षेत्र म अंतर्राष्ट्रीय स्तर म ये जरूरी उपलब्धि हासिल होए हावय, जेकर तहत छत्तीसगढ़ के संधारणीय विकास, गरीबी उन्मूलन अउ महिला सशक्तिकरण के खातिर अंतर्राष्ट्रीय पुरस्कार मिले हावय। छत्तीसगढ़ राज्य बने के बाद संभवतः ये पहिली मउका हावय, जब महिला स्व-सहायता समूह के सदस्य एक अंतर्राष्ट्रीय प्रतिष्ठित पुरस्कार मिले के खातिर बिदेस यात्रा म रिहिन।

मुख्यमंत्री भूपेश बघेल के पहल म छत्तीसगढ़ राज्य लघु वनोपज संघ के वन धन विकास केन्द्र म लघु वनोपज के प्रसंस्करण बुता म लगे महिला सदस्य मन के समर्पित बुता प्रणाली के परिणाम हावय के ए अंतर्राष्ट्रीय पुरस्कार के खातिर उंकर पहचान होइस। समारोह म माँ धारिणी स्व-सहायता समूह बकावंड वन धन केन्द्र के सदस्य सुपद्मिनी बघेल अउ सुबेलाबाई कश्यप अउ हरिबोल स्व-सहायता समूह डोंगानाला, वनधन केन्द्र के सदस्य सुसरोज पटेल अउ सुफूलबाई नेती सम्मानित होइस।

खुशी ले भरपूर छत्तीसगढ़ के ये वनवासी प्रतिनिधि मन ह 150 देश के 200 ले जादा प्रतिनिधि मन के तीर ये पुरस्कार ग्रहण करत, छत्तीसगढ़ मॉडल अउ सतत् विकास के कहानी कही। इन्होंने ए समारोह म पूरा दुनिया के व्यवसायी, बैंकर्स, इनवेस्टर्स, पर्यावरणविद अउ सरकारी प्रतिनिधि मन के उपस्थिति म ‘छत्तीसगढ़-हर्बल्स’ के पूरा दुनिया म पहचान सुनिश्चित करिन। येकर ले लघु वनोपज आधारित उद्योग के बढ़ावा मिलही। ‘छत्तीसगढ़ मॉडल’ के पूरा विश्व म सतत् विकास के मॉडल के रूप म पहचान मिलही।

छत्तीसगढ़ राज्य लघु वनोपज संघ के ए दल के अगुवई राज्य लघु वनोपज संघ के प्रबंध संचालक संजय शुक्ला डहर ले करे गिस अउ अपर प्रबंध संचालक बी. आनंद बाबू अउ वनमंडल अधिकारी सुस्टायलो मण्डावी सहयोग बर दल म सामिल रिहिसं।