छत्तीसगढ़ राज्य आयोग के चिन्हारी चिनहा (लोगो) तइयार करे खातिर नमूना आमंत्रित..., अंजोर छत्तीसगढ़ी म पढ़व पूरा खबर

अंजोर.रायपुर। छत्तीसगढ़ राज्य निर्वाचन आयोग के चिन्हारी चिनहा (लोगो) तइयार करे जाही जेकर खातिर व्यक्ति, संस्था मन अउ पढ़ईया मन ले नमूना आमंत्रित करे गे हावय। चिन्हारी चिनहा के नमूना  सी.डी. के माध्यम ले या आयोग के ई-मेल बहमबण्बह/दपबण्पद  म भेजे जा सकत हावय। सबले बढि़या  नमूना प्रस्तुत करे म पहिली पुरस्कार 3001 रूपिया, दूसरइया पुरस्कार 2001 रूपिया अउ तीसरा पुरस्कार 1001 रूपिया के संग ओला प्रशस्ति पाती आयोग डहर ले दे जाही।

राज्य निर्वाचन आयोग के चिन्हारी चिनहा तइयार करे के खातिर एक व्यक्ति, संस्था, पढ़ईया से एक ही नमूना ग्राह्य होही। नमूना के उपयोग करे के खातिर आयोग स्वतंत्र होही माने नमूने के यथावत् या संशोधन के संग आयोग डहर ले उपयोग करे जाही। कोनो तको स्थिति म कॉपीराइट के उल्लंघन नइ होना चाही। मिले सबो नमूना राज्य निर्वाचन आयोग के संपदा हो जाही। चयनित नमूना के यथावत या संशोधन के संग आयोग डहर ले उपयोग करे जा सकही। ये नमूना के उपयोग प्रस्तुतकर्ता के डहर ले अन्यत्र नइ करे जा सकही। कोनो तको रकम ले के स्थिति म राज्य निर्वाचन आयोग के फइसला आखरी होही। प्रविष्टि के संग करार प्रपत्र म अलग ले जानकारी प्रस्तुत करना अनिवार्य हावय। प्रपत्र के नमूना आयोग के वेबसाइट www.cgsec.gov.in  म उपलब्ध हावय।