छत्तीसगढ़ के पहिली रूरल इंडस्ट्रीयल पार्क कांकेर जिला के कुलगांव म

Chhattisgarh first rural industrial park

छत्तीसगढ़ म गौठन ल रूरल इंडस्ट्रियल पार्क के रूप म विकसित करे के परिकल्पना अब धीरे-धीरे आकार लेवथे। राष्ट्रपिता महात्मा गांधी के ग्राम स्वराज्य के परिकल्पना के अनुरुप मुख्यमंत्री भूपेश बघेल के अगुवई म गांव म छोटे-छोटे कुटीर उद्योग स्थापित करके लोगन ल रोजगार अउ आमदनी के साधन ले जोड़े जात हावय।

छत्तीसगढ़ के अइसे पहिली रूरल इंडस्ट्रियल पार्क ह कांकेर जिला के कुलगांव म आकार ले हावय, जेला गांधी ग्राम के नाम दे हावय, उहां गउठान के रूरल इंडस्ट्रियल पार्क के रूप म विकसित करे के काम जिला प्रशासन कांकेर ह महिला स्वसहायता समूह के संग बखूबी करके देखाये हावय।

गांधी ग्राम कुलगांव परिसर म कृषि विज्ञान केन्द्र के सहयोग ले मछली आहार बनाये के इकाई, मशरूम उत्पादन, स्पान उत्पादन के इकाईयां स्थापित के गे हावय। येकर अलावा इहां मछलीपालन, बकरी पालन, मुर्गीपालन अउ वर्मी कम्पोस्ट के उत्पादन करे जात हावय। मुर्गीपालन अउ अंडा उत्पादन के काम आधुनिक तरीका ले करे जात हावय। इहां महिला समूह डहर ले लेयर फार्मिंग अउ अण्डा उत्पादन होवत हाबे।

मशरूम अउ स्पॉन उत्पादन-:

एकीकृत राष्ट्रीय बागवानी विकास मिशन ले मशरूम उत्पादन अउ स्पॉन उत्पादन इकाई के बनाये करे गे हावय, जेकर क्रियान्वयन लक्ष्मी स्व मदद समूह कुलगांव डहर ले करे जात हावय समूह डहर ले अब तक 40 कि.ग्रा. मशरूम उत्पादन करके स्थानीय ब्रिकी करके 8000 रूपिया के आमदनी पाये गे हावय।

दाल मिल अउ मसाला उद्योग-:

कृषि विभाग डहर ले दाल मिल अउ मसाला उद्योग स्थापित करे गे हावय। जेकर संचालन जय सरस्वती महिला समूह के सदस्य मन डहर ले करे जात हावय।

गोबर खरीदी -:

कुलगांव म गोधन न्याय योजना के तहत 273 क्विंटल 85 किलो गांव गोबर के खरीदी करे गे हावय। ए गउठान म अब तक 70 बोरी वर्मी कंपोस्ट तइयार करे गे हावय।

दोना-पत्तल बनाये के इकाई -:

ए इकाई के डीएमएफ मद ले अप्रैल 2022 म सुरू करे गिस रिहिस। जेकर संचालन कुलगाँव के जय बूढ़ादेव स्वसहायता समूह के 10 महिला मन डहर ले करे जात हावय। ए यूनिट के स्थापित क्षमता 9600 पत्तल रोज के हावय।

हथकरघा वस्त्र प्रशिक्षण केंद्र -:

इहां बनाए गे हथकरघा वस्त्र प्रशिक्षण केंद्र म महिला मन प्रशिक्षण मिले करत हावयं। संग ही इहां बकरीपालन उक के गतिविधि तको करे जा हावय। कुलगांव म चिरौंजी प्रसंस्करण केंद्र तको स्थापित करे गे हावय।