औषधीय गुण ले भरे तुँहर रसोई के अजवाइन

Ajwain medicinal properties

अंजोर.रायपुर,19 मई। हमर रसोई म मसाल के संग मौजूद अजवाइन केऊ औषधीय गुण ले भरपूर हावय। एमे एंटी-ऑक्सिडेंट्स हावयं जेन शरीर के प्रतिरक्षा प्रणाली ल सुदृढ़ बनात हावय अउ श्वसन क्रिया ल मजबूत करथे। संग ही ये पाचन क्रिया म तको लाभदायक होथे अउ अपच ल दूरिहाथे।

अजवाइन, काला नमक अउ सोंठ ल पीसके चूर्ण बनाके भोजन के बाद सेवन करे ले पेट म अशुद्ध वायु के बनना अउ ऊपर चढ़ना बंद होथे। गर्भकाल म अजवाइन के सेवन ले न सिरिफ खून साफ होथे हावय, बल्कि येकर ले शरीर म खून के प्रवाह तको बढि़या होथे। औषधीय गुण ले भरपूर अजवाइन पाचक, रूचि कारक, तीक्ष्ण, अग्नि प्रदीप्त करे वाला, पित्तकारक अउ शूल, वात, कफ, उदर आनाह, प्लीहा अउ कृमि के नाश करथे। शासकीय आयुर्वेदिक कॉलेज, रायपुर के सह-प्राध्यापक डॉ. संजय शुक्ला ह बताइन के अजवाइन के ताजा पत्ती म प्रचुर मात्रा म पोषक तत्व अउ विटामिन के संग एंटी-बैक्टीरियल तको होथे। येकर पत्ति विटामिन सी, विटामिन-ए, आयरन, मैंगनीज अउ कैल्शियम युक्त ओमेगा-3 फैटी एसिड के अच्छा स्रोत हावय। 

अजवाइन म कैल्शियम, फास्फोरस, सोडियम अउ पोटेशियम जइसे तत्व हावयं। अजवाइन वात अउ कफ दोष के नाशक हावय। इही सेती नजला अउ सांस ले म परेशानी होए म येकर भाप ले ले आराम होथे। पेट दर्द म गरम पानी के संग येकर सेवन करे अउ येकर लेप लगाये ले तको लाभ होथे।