पूर्व मंत्री राजेश मूणत अउ भाजपा कार्यकर्ता गिरफ्तार, थाना पहुंचिस पूर्व मुख्यमंत्री डॉ. रमन सिंह

अंजोर.रायपुर 5 फरवरी। राजधानी म अब नेता मनके तमासा सुरू होगे। एक पार्टी दूसर पार्टी नेता मन संग बदसलूकी म उतरगे हावय। अब तो बात थाना तक पहुंचगे हावय। झगरा के बात सांसद राहुल गांधी के रायपुर आगमन के दिन ले उठे रिहिस। मिले आरो के मुताबिक सांसद राहुल गांधी भाजपा के कार्यकर्ता मन करिया झंडा देखाये रिहिस। तेकर जवाब म आज कांग्रेस कार्यकर्ता मन केंन्दी मंत्री श्री सिंधिया ल करिया झंडा देखाय बर पहुंचे रिहिस। इही बात म दूनो कोति ले बहस होगे, तना-तनी अतेक बाढ़गे के बात थाना तक पहुंचगे। थाना विधानसभा म भाजपा कार्यकर्ता मनके गिरफ्तारी के आरो पाके बड़का विष्णु देव साय, धरमलाल कौशिक, बृजमोहन अग्रवाल, रामविचार नेताम, नंदकुमार साय, नारायण चंदेल थाना म मौजूद हावय। अब तो पूर्व मुख्यनमंत्री डॉ. रमन सिंह जी तको थाना पहुंगे हावय।