मंत्रालय |
अंजोर.रायपुर, 07 फरवरी। मंत्रालय अउ सबो विभागाध्यक्ष कार्यालय के संचालन मंगलवार 08 फरवरी 2022 ले सबो श्रेणी के अधिकारी मन-कर्मचारी मनके शत्-प्रतिशत उपस्थिति के होही। सामान्य प्रशासन विभाग डहर ले कोविड-19 के अभी के बेरा स्थिति ल धियान म रखत होए आज मंत्रालय महानदी भवन ले ए आशय के निर्देश जारी कर दे गे हावयं। येकर पहिली मंत्रालय अउ विभागाध्यक्ष कार्यालय म 50 परतिसत उपस्थिति के निर्देश दे गे रिहिस।
सामान्य प्रशासन विभाग डहर ले छत्तीसगढ़ शासन के सबो विभाग के सबो अपर मुख्य सचिव, प्रमुख सचिव, सचिव अउ सबो विभागाध्यक्ष के जारी निर्देश म किहिन हावय के कोविड-19 के अभी के बेरा ल धियान म रखत, आम जनता के बुता के लघियात निराकरण के खातिर मंत्रालय अउ सबो विभागाध्यक्ष कार्यालय म सरकारी बुता संचालन बर मंगलवार 08 फरवरी 2022 ले सबो श्रेणी के अधिकारी मन-कर्मचारी के शत्-प्रतिशत उपस्थिति सुनिश्चित करे जाए। सबो अधिकारी-कर्मचारी कोविड-19 संक्रमण के बचाव बर समय-समय म जारी दिशा-निर्देश के अनिवार्य रूप ले पालन करें। सबो अधिकारी-कर्मचारी कोविड-19 के संक्रमण के रोकथाम के खातिर करार मापदण्ड जैसे- मास्क लगाना, एक-दूसरा ले पर्याप्त दूरी बनाए रखना, सेनिटाइजर के समय-समय म उपयोग करे उक मापदण्ड के कड़ाई ले पालन करें।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।