 |
| आलिया भट्ट |
सिनेमा। अभिनेत्री आलिया भट्ट के सोशल मीडिया के फेसबूक अकाउंट म अवइया फिल्म ‘गंगूबाई काठियावाड़ी’ के धमाकेदार पोस्टर शेयर करे गे हावय। आलिया के खूबसूरत अदाकारी म रौबदार अउ ठाठ ले खाट म बइठे फोटो ल लोगन गजब मन करत हाबे। सादा के लुगरा अउ बेलाउस म करिया-करिया केश म आलिया अप्सरा कस दिखत हाबे। आंखी म कजरा अउ माथा म लाली बिंदी के संग नाक म गुलमुहर कस नथ उंकर खूबसूरती म चार चांद लागवत हाबे।
मिले आरो के मुताबिक फिल्म के कहानी आलिया (गंगू) ‘गंगूबाई काठियावाड़ी’ के इर्दगिर्द हावय। आलिया ल एक कोठा ले निकल के राजनीति के गलियारा म राज करत देखाये गे हावय। आलिया के संवाद तको जबरदस्त हावय। लोगन मन ट्रेलर देखके पूरा फिलिम आलिया के अदा देखे बर झटपटात हावय। ‘गंगूबाई काठियावाड़ी’ फिल्म के ट्रेलर 4 फरवरी के आगे अउ पूरा फिल्म के प्रदर्शन 25 तारीख के होना बताये गे हावय। ये फिल्म म आलिया भट्ट के साथ अजय देवगन भी नजर आही। वइसे अभी अलिया अउ अजय के टॉलीवुड फिल्म आरआरआर भी आने वाला हाबे। आरआरआर के रिलीज के तारीख ल कोरोना के सेती बार-बार टाले जावथे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।